3வது நாளாக மாறாமல் இருக்கும் விலை: பெட்ரோல் ரூ.77.43, டீசல் ரூ.69.56

தொடர்ந்து 3வது நாளாக பெட்ரோல் மற்றும் டீசல் விலையில் எந்த மாற்றமும் ஏற்படவில்லை.

கடந்த சில தினங்களாக பெட்ரோல், டீசல் விலை சிறிது சிறிதாக உயர்ந்துவரும் நிலையில், இன்றைய பெட்ரோல் டீசல் விலை நிலவரம் குறித்த விபரங்கள் வெளிவந்துள்ளது. எண்ணெய் நிறுவனங்கள் பெட்ரோல், டீசல் விலையை மாதம் இருமுறை மாற்றியமைத்து வந்தன. சுமார் 15 ஆண்டுகளாக பின்பற்றப்பட்ட இந்த நடைமுறை கடந்த ஆண்டு ஜூன் மாதம் கைவிடப்பட்டது.

இதையடுத்து நாள்தோறும் பெட்ரோல், டீசல் விலை நிர்ணயிக்கும் முறை அமலுக்கு வந்தது. இந்த நடைமுறையில் எரிபொருட்களின் விலை தொடர்ச்சியாக வருவதால், பொதுமக்கள் பாதிப்புக்கு ஆளாகின்றனர்.

இந்நிலையில் இன்றைய பெட்ரோல் மற்றும் டீசல் விலையில் எந்த மாற்றமும் இல்லாமல் நேற்றைய விலையில் இன்றும் இருக்கிறது என்பது குறிப்பிடத்தக்கது. நேற்று பெட்ரோலின் விலை லிட்டருக்கு 14 காசுகள் உயர்ந்து லிட்டருக்கு ரூ. 77.43 ஆகவும், டீசலின் விலை லிட்டருக்கு 19 காசுகள் உயர்ந்து ரூ. 69.56 ஆகவும் நிர்ணயம் செய்யப்பட்டிருந்தது.