பெட்ரோல், டீசலுக்கு ஜி.எஸ்.டி.,யில் கூடுதல் வரி!

புதுடெல்லி : ஜி.எஸ்.டி.,யின் கீழ், பெட்ரோல், டீசலை கொண்டு வரும் போது, கூடுதலாக விற்பனை வரி, மதிப்பு கூட்டு வரி விதிக்கப்பட வாய்ப்பு உள்ளதாக தகவல்கள் தெரிவிக்கின்றன.

இது குறித்து, மத்திய அரசு அதிகாரி ஒருவர் கூறுகை யில்,‘ உலகில், எந்த நாடும், பெட்ரோல், டீசலுக்கு, ஜி.எஸ்.டி., மட்டும் விதிப்பதில்லை. அதோடு 'வாட்' மதிப்பு கூட்டு வரியும் விதிக்கிறது.

தற்போது, கச்சா எண்ணெய் விலை உயர்வால், பெட்ரோல், டீசல், ஜி.எஸ்.டி.,யின் கீழ் கொண்டு வர வேண்டும் என கோரிக்கை வலுத்துள்ளது. இது குறித்து மத்திய அரசு பரிசீலித்து வருகிறது.

பெட்ரோல், டீசலுக்கான வரி, ஜி.எஸ்.டி.,யின் அதிகபட்சமான, 28 சதவீதத்தை விட அதிகமாக உள்ளது. இதனால் பெட்ரோல், டீசலுக்கு, ஜி.எஸ்.டி.,யில் படி வரிவிதித்தால், மத்திய- மாநில அரசுகளுக்கு, வருவாய் இழப்பை ஏற்படுத்தும்.

இந்த வருவாய் இழப்பை ஈடு செய்ய, மத்திய அரசிடம் நிதி இல்லை. அதனால், பெட்ரோல், டீசலை, ஜி.எஸ்.டி.,யில் கொண்டு வந்தால், மாநில அரசுகள், விற்பனை வரி, மதிப்பு கூட்டு வரி விதிக்க, மத்திய அரசு ஒப்புதல் அளிக்கலாம். அதேசமயம், இந்த வரி விதிப்பு தற்போது விட, அதிகமாக இருக்க கூடாது என நிபந்தனை விதிக்கப்படலாம். ’ என்றார்.

Petrol & diesel could face highest GST slab of 28%, plus state taxes (which means no retail relief)