பெட்ரோல் விலை 38 ரூபாய்க்கு குறைய போகுதாம்!

பெட்ரோல் மற்றும் டீசல் விற்பனையையும் ஜி.எஸ்.டி வரியின் கீழ் கொண்டு வரும் பட்சத்தில் அதன் விலையை கணிசமாக குறைக்க முடியும் என்பதால், பெட்ரோல் விற்பனையில் ஜி.எஸ்.டி வரியை அமல்படுத்த பலரும் எதிர்பார்த்துள்ளனர்.

பெட்ரோல், டீசல் விலை கடந்த 3 வருடங்களில் இல்லாத அளவுக்கு மிக அதிகமாகி உள்ளது. ஒவ்வொரு நாளும் அதன் விலை ஏறிக்கொண்டு தான் செல்கின்றது. இதை கட்டுப்படுத்தவும், அதன் விலை ரூ. 38 வரை கொண்டு வர, அதன் விற்பனையில் ஜி.எஸ்.டி வரி வரம்பில் கொண்டு வர வேண்டும் என பெட்ரோலியத்துறை அமைச்சர் தர்மேந்திர பிரதான் தெரிவித்துள்ளார்.

ஒரே நாடு, ஒரே வரி என்ற நல்லெண்ணத்தின் அடிப்படையில் கொண்டுவரப்பட்ட ஜி.எஸ்.டி. வரி (சரக்கு மற்றும் சேவை வரி), முறை வரம்பிற்குள், அத்தியாவசிய பொருள்கள் கொண்டுவரப்பட்டுள்ளன. இதனால், பெரும்பாலான பொருட்களின் விலைகள் கணிசமான அளவு குறைந்துள்ளன. இது மக்களிடையே வரவேற்பையும் பெற்றுள்ளது குறிப்பிடத்தக்கது.

ஏற்றுக்கொள்ளமுடியாத விலை :
சர்வதேச சந்தையில் கச்ச எண்ணெய் ஒரு பேரல் 114 டாலராக இருந்த போது, இந்தியாவில் பெட்ரோல் விலை ரூ. 72க்கு விற்பனையானது. ஆனால் தற்போது சர்வதேச சந்தையில் 54 டாலருக்கு விற்பனையாகின்றது. இருப்பினும் இந்தியாவில் பெட்ரோல் விலை ரூ. 80 யை தொட்டுள்ளது. இது ஏற்றுக்கொள்ள முடியாத விலையாக உள்ளது.

ஏன் விலை அதிகமானது? :
பெட்ரோல், டீசல் விலை ஒவ்வொரு நகரங்களுக்கும் வேறுபடுகின்றது. டெல்லியில் பெட்ரோலுக்கு 27% வாட் வரியும், மும்பையில் 47.64% என பெரிய வேறுபாடு உள்ளது.



எப்படி 38 ரூபாயாக குறையும்?
>> பெட்ரோலிய பொருட்களுக்கு வாட் வரி நிர்ணயிப்பதற்கு பதிலாக, இதற்கும் ஜி.எஸ்.டி வரி வரம்பில் கொண்டுவர வேண்டும்.

>> அப்படி கொண்டுவந்தால் டெல்லியை பொறுத்தவரையில் 12% ஜி.எஸ்.டி என்றால் தற்போதுள்ள விலையில் ரூ. 32 குறைந்து ரூ. 38க்கு விற்க முடியும்.

>> அதே சமயம் 18% ஜி.எஸ்.டி வரி என்றால் ரூ. 40.05 ஆக மாறும்.

>>28% ஜி.எஸ்.டி வரி என்றால் கூட ரூ. 43.44 என்ற அளவில் பெட்ரோல், டீசல் விலை கணிசமாக குறையும்.

மத்திய அரசு மனது வைத்தால், விரைவில் பெட்ரோல், டீசல் விலைகள் குறையும் வாய்ப்பு உள்ளது.