அரசு ஊழியர்களுக்கு புதிய உத்தரவு.. ஓய்வூதிய திட்டத்தில் கட்டுப்பாடு!

அரசு ஊழியர்கள் அனைவருக்கும் தேசிய ஓய்வூதிய திட்டம் அமலில் இருக்கிறது. இதில் மத்திய, மாநில அரசு ஊழியர்கள் அனைவருமே அடங்குவர். இதுபோக தனியார் துறை ஊழியர்களும் தேசிய ஓய்வூதிய திட்டத்தில் முதலீடு செய்வதற்கு அனுமதிக்கப்படுகிறது.

இந்திய குடிமக்கள் அனைவருமே ஆதார் - பான் கட்டாயமாக இணைக்க வேண்டும் என இந்திய அரசு அறிவுறுத்தி வருகிறது. அவ்வகையில், தேசிய ஓய்வூதிய திட்டத்தின் உறுப்பினர்களும் ஆதார் -பான் இணைக்க வேண்டும் என பென்சன் ஒழுங்குமுறை ஆணையமான PFRDA உத்தரவிட்டுள்ளது.

ஆதார் - பான் கார்டுகளை இணைப்பதற்கான கடைசி தேதியை வரும் ஜூன் 30ஆம் தேதி வரை நீட்டித்துள்ளது மத்திய அரசு. எனினும், ஆதார் - பான் கார்டுகளை இணைக்க 1000 ரூபாய் அபராதம் செலுத்த வேண்டும்.

இந்நிலையில், தேசிய ஓய்வூதிய திட்டத்தின் உறுப்பினர்கள் வரும் ஜூன் 30ஆம் தேதிக்குள் ஆதார் - பான் கார்டுகளை கட்டாயமாக இணைக்க வேண்டும் என பென்சன் ஒழுங்குமுறை ஆணையமான PFRDA வெளியிட்டுள்ள சுற்றறிக்கையில் அறிவுறுத்தியுள்ளது.

தேசிய ஓய்வூதிய திட்டத்தின் உறுப்பினர்கள் வரும் ஜூன் 30ஆம் தேதிக்குள் ஆதார் - பான் இணைக்கவில்லை எனில் அது விதிமீறலாக கருதப்பட்டு ஓய்வூதிய கணக்கு பரிவர்த்தனைகளில் கட்டுப்பாடுகள் விதிக்கப்படும் எனவும் PFRDA எச்சரித்துள்ளது.