பென்சன் திட்டம்.. இனி இப்படியும் பணம் செலுத்தலாம்.. புதிய வசதி!

பென்சன் திட்டங்களின் பயனாளிகள் இனி யூபிஐ (UPI) முறையில் எளிதாக பங்களிப்பு தொகையை செலுத்தலாம் என பென்சன் ஒழுங்குமுறை ஆணையமான PFRDA தெரிவித்துள்ளது.

PFRDA ஆணையத்தின் கீழ் தேசிய பென்சன் திட்டம் (NPS), அடல் பென்சன் திட்டம் (APY) ஆகிய இரண்டு பென்சன் திட்டங்கள் நிர்வாகத்தில் உள்ளன. இத்திட்டங்களின் சந்தாதாரர்கள் இதுவரை நெட் பேங்கிங் போன்ற வழிகளில் பங்களிப்பு தொகையை செலுத்தி வந்தனர்.

எனினும், டிஜிட்டல் பரிவர்த்தனைகளிலேயே யூபிஐ பரிவர்த்தனைகள்தான் மிக எளிதானதாக கருதப்படுகிறது. எனவே பலரும் யூபிஐ பரிவர்த்தனையை பயன்படுத்துகின்றனர். பென்சன் திட்டங்களில் யூபிஐ வழியாக பங்களிப்பு தொகை செலுத்த வழிவகை செய்ய வேண்டும் என ஏற்கெனவே சந்தாதாரர்கள் கோரிக்கை விடுத்து வந்தனர்.

வருமான வரி செலுத்துவோருக்கு தடை.. புதிய ரூல்ஸ் என்ன சொல்கிறது?
இந்நிலையில், தேசிய பென்சன் திட்டம், அடல் பென்சன் திட்டம் ஆகிய இரண்டு திட்டங்களிலும் யூபிஐ வழியாக பங்களிப்பு தொகை செலுத்தலாம் என பென்சன் ஒழுங்குமுறை ஆணையமான PFRDA தெரிவித்துள்ளது. இதற்கான UPI ID PFRDA.15digitVirtualAccount@axisbank என தெரிவிக்கப்பட்டுள்ளது.

இதன் மூலம் இனி தேசிய பென்சன் திட்டம் மற்றும் அடல் பென்சன் திட்டத்தின் சந்தாதாரர்கள் மொபைலிலேயே ஈசியாக யூபிஐ ஆப்ஸ் மூலம் பென்சன் பங்களிப்பு தொகையை செலுத்தலாம்.