தங்கம் முதலீட்டில் செம லாபம்.. இதுதான் பெஸ்ட் சாய்ஸ்!

தங்கப் பத்திரம் (Sovereign Gold Bond) விற்பனை நவம்பர் 29 முதல் தொடங்கியுள்ளது. டிசம்பர் 3ஆம் தேதி வரை விற்பனை நடைபெறும். இந்தக் காலத்தில் ஒரு கிராம் ரூ.4,791 என்ற விலை அடிப்படையிலும், ஆன்லைனில் வாங்குவோருக்கு 50 ரூபாய் தள்ளுபடியுடன் ரூ. 4,741 என்ற விலையிலும் தங்கப்பத்திரத்தின் விற்கப்படுகிறது.

தங்கப் பத்திரங்களை மத்திய அரசு சார்பில் ரிசர்வ் வங்கி விற்பனை செய்கிறது. தங்க நகை, தங்க நாணயம் போன்ற நிஜத் தங்கமாக அல்லாமல் தங்கப் பத்திரத்தில் முதலீடு செய்வதால் என்னென்ன பயன்கள் கிடைக்கின்றன?

இட வசதி

தங்கத்தை பார்த்து பார்த்து பாதுகாப்பாக சேமித்து வைக்க வேண்டும். லாக்கரில் சேமிக்கலாம் என்றால் அதற்கு கூடுதல் கட்டணம் செலுத்த வேண்டும். ஆனால், தங்கப் பத்திரத்தில் அந்தப் பிரச்சினை இல்லை. அதுவொரு ஆவணம் மட்டுமே.

இந்த காசு உங்க கிட்ட இருக்கா? 5 லட்சம் ரூபாய் சம்பாதிக்கலாம்!
தங்கத்திற்கு வட்டி

தங்கப் பத்திரத்தை சேமிக்க கூடுதல் செலவுகள் இல்லை என்பது மட்டுமல்லாமல், தங்கப் பத்திரங்களுக்கு ஆண்டுக்கு 2.5% வட்டி வருமானம் கிடைக்கிறது.

சுத்த தங்க

தங்கப் பத்திரங்களில் 99.9% சுத்த தங்கத்துக்கான உத்தரவாதம் கிடைக்கிறது.

மூலதன லாப வரி

நிஜத் தங்கத்தை விற்பனை செய்யும்போது மூலதன லாப வரி (Capital gains tax) செலுத்த வேண்டும். தங்கப்பத்திரத்தில் முதலீடு செய்பவர்கள் வரி செலுத்த தேவையில்லை.

ஜிஎஸ்டி

நகை போன்ற நிஜத் தங்கத்துக்கு ஜிஎஸ்டி மட்டுமல்லாமல் செய்கூலி போன்ற கூடுதல் செலவுகள் உண்டு. ஆனால், தங்கப் பத்திரங்களில் இந்த செலவுகளும், ஜிஎஸ்டியும் கிடையாது.

கடன்

இவற்றுடன் தங்கப் பத்திரத்தை வைத்து வங்கியில் கடன் வாங்க முடியும்.