சொந்த வீடு வாங்க சரியான வாய்ப்பு: இத மட்டும் மிஸ் பண்ணிடாதிங்க!

வீடு வாங்க திட்டமிட்டிருப்போருக்கு எஸ்பிஐ (ஸ்டேட் பேங்க் ஆஃப் இந்தியா) வங்கி அட்டகாசமான சலுகைகளை அறிவித்துள்ளது. இதில், குறைந்த வட்டியில் வீட்டுக் கடன், கூடுதல் கட்டணங்களும், செலவுகளும் தள்ளுபடி என ஸ்பெஷல் அம்சங்கள் இருக்கின்றன.

ஹோம் பைனான்ஸில் இந்தியாவில் முன்னணி நிறுவனமாக எஸ்பிஐ இருக்கிறது. இப்போது வாடிக்கையாளர்களுக்கு சலுகை வழங்குவதற்காக, கடன் தொகைக்கு ஏற்ப வட்டிச் சலுகை, சொத்து இருக்கும் இடம், வாடிக்கையாளரின் சிபில் ஸ்கோர் ஆகியவற்றின் அடிப்படையில் சலுகைகளை அள்ளி வழங்குகிறது.

வாடிக்கையாளரின் சிபில் ஸ்கோருக்கு ஏற்ப எஸ்பிஐ வங்கி வீட்டுக் கடனுக்கான வட்டி விகிதத்தை நிர்ணயிக்கிறது. 30 லட்சம் ரூபாய் வரையிலான கடன்களுக்கு 6.80% முதல் வட்டி தொடங்குகிறது. 30 லட்சத்துக்கும் மேலான கடன்களுக்கு 6.95% முதல் வட்டி தொடங்குகிறது. இதுபோக, மெட்ரோ நகரங்களில் 5 கோடி ரூபாய் வரையிலான கடன்களுக்கு கூடுதல் வட்டி சலுகை கிடைக்கிறது.

எஸ்பிஐ வங்கியின் அதிகாரப்பூர்வ ஆப்பான யோனோவில் (YONO App) வீட்டுக் கடனுக்கு விண்ணப்பித்தால், ஏற்கெனவே பெற்றுள்ள வட்டிச் சலுகைகளுடன் கூடுதலாக 0.05% வட்டி சலுகை கிடைக்கும்.

வீட்டுக் கடனுக்கு விண்ணப்பிக்கும் பெண்களுக்கு ஏற்கெனவே அவர்கள் பெற்றுள்ள சலுகைகளுடன் கூடுதலாக 0.05% வட்டி சலுகை வழங்கப்படுகிறது.

வேறு வங்கியில் இருந்து வீட்டுக் கடனை எஸ்பிஐ வங்கிக்கு மாற்றிக்கொண்டால், இன்னும் கூடுதலாக 0.05% வட்டி சலுகை கிடைக்கிறது. எனவே, இதர வங்கிகளில் அதிக வட்டியால் அவதிப்படுவோர் எஸ்பிஐக்கு மாறி வட்டியால் ஏற்படும் செலவுகளை குறைக்கலாம்.