#UDAN திட்டத்தின் முதல் விமான சேவை- பிரதமர் மோடி தொடங்கிவைப்பு

உடான் என்ற பெயரிலான குறைந்த கட்டணத்தில் விமான சேவை வழங்கும் திட்டத்தை பிரதமர் மோடி தொடங்கிவைத்துள்ளார்.

நாட்டில் உள்ள மிகவும் பின்தங்கிய பகுதிகள், மலை வாசஸ்தலங்கள் உள்ளிட்ட பகுதிகளுக்கு எளிதாகச் சென்றுவர உதவும் வகையில், உடான் என்ற பெயரில், குறைந்த கட்டணத்தில் விமானங்களை இயக்கும் திட்டத்தை மத்திய அரசு வடிவமைத்துள்ளது.

அலையன்ஸ் ஏர், ஸ்பைஸ்ஜெட், டர்போ மெகா ஏர்வேஸ், ஏர் டெக்கான், ஏர் ஒடிசா ஆகிய விமான நிறுவனங்கள், இந்த உடான் திட்டத்தின்கீழ் சேவை வழங்க முன்வந்துள்ளன.

உடான் திட்டத்தின்படி, முதல் விமான சேவை, ஷிம்லா – டெல்லி இடையே இன்று இயக்கப்பட்டது. இதனை ஷிம்லாவில் நடைபெற்ற நிகழ்ச்சியில், பிரதமர் நரேந்திர மோடி தொடங்கிவைத்தார். அவர் கூறுகையில், சுற்றுலாவை ஊக்குவிப்பதோடு, நாட்டின் பின்தங்கிய பகுதிகளுக்கும் விமான சேவை அளிக்க, உடான் திட்டம் பயன்படும், எனக் குறிப்பிட்டார்.

சுற்றுலாப் பயணிகள் எளிதாகப் பயணிக்க உதவும் இந்த சேவையின்படி, விமானப் பயணிகளுக்கு, ஷிம்லா, டெல்லி இடையிலான பயணத்திற்கு ரூ.2000 மட்டுமே கட்டணம் நிர்ணயிக்கப்பட்டுள்ளது.

Prime Minister Narendra Modi launched the UDAN regional connectivity scheme on Thursday from Shimla that will allow tourists to fly to Shimla from New Delhi for just Rs 2,000.