பெட்ரோல் , டீசல் விலை அறிய புதிய ஆப் அறிமுகம்

சென்னை: ஜுன் 16 முதல் பெட்ரோல் , டீசல் விலையை நாள்தோறும் மாற்றம் செய்யபட இருப்பதால் அவற்றின் விலை அறிந்து கொள்ள புதிய ஆப் அறிமுகம் செய்யப்பட்டுள்ளது.

சர்வதேச கச்சா எண்ணெய் விலைக்கு ஏற்ப பெட்ரோல், டீசல் விலையை நாள் தோறும் மாற்றம் செய்யும் நடைமுறை ஜூன் 16ஆம் தேதி முதல் அமலாகவுள்ளது.ர்வதேசச் சந்தையில் கச்சா எண்ணெய் விலையின் அடிப்படையில் பெட்ரோல், டீசல் விலை 15 நாட்களுக்கு ஒரு முறை மாற்றப்பட்டு வருகிறது. எண்ணெய் நிறுவனங்கள் இந்த விலை நிர்ணயத்தைச் செய்கின்றன
.
சந்தையில் கச்சா எண்ணெய் விலை நிலவரத்திற்கு ஏற்ப நாள் தோறும் பெட்ரோல் மற்றும் டீசல் விலையை மாற்றி அமைக்க மத்திய முடிவு செய்தது. முதற்கட்டமாக, நாட்டின் ஐந்து நகரங்களில் (விசாகப்பட்டணம், உதாம்பூர், ஜாம்செட்பூர், சண்டிகார், புதுச்சேரி) மட்டும் கடந்த மே மாதம் முதல் இந்த முறை அமலுக்கு வந்தது.

இந்நிலையில், வரும் ஜூன் 16ஆம் தேதி முதல் நாடு முழுவதும் இந்த முறை அமலுக்கு வரப்போவதாக அறிவிக்கப்பட்டுள்ளது. மாநில எண்ணெய் நிறுவனங்கள் இந்த விலையை தினமும் நிர்ணயிக்கும். இந்தநிலையில் பெட்ரோல் , டீசல் விலை நாள்தோறும் மாற்றப்படுவதால் அவற்றை மக்கள் எளிதாக தெரிந்து கொள்ளும் வகையில் Fuel@IOC என்ற ஆப் அறிமுகம் செய்யப்பட்டுள்ளது.

Fuel@IOC என்ற ஆப்பை இந்தியன் ஆயில் கார்பரேஷன் வெளியிட்டுள்ளது. ஸ்மார்ட் போன் பயன்படுத்தாத வாடிக்கையாளர்கள் எஸ்.எம்.எஸ் மூலமாக விலையை அறிந்து கொள்ளலாம். இதற்காக உங்களுடைய RSP<SPACE>DEALER CODE என டைப் செய்து 92249-92249 என்ற எண்ணுக்கு எஸ்.எம்.எஸ் அனுப்பினால் அன்றைய தேதியிலுள்ள பெட்ரோல், டீசல் விலை விவரம் குறித்து அறியலாம்.