பிஎப் திட்டம் சிறு சேமிப்பு திட்டங்களை காட்டிலும் அதிக டிவிடெண்ட் (Dividend) வருமானம் கொடுத்துள்ளது பவர் பைனான்ஸ் கார்ப்பரேஷன் (Power Finance Corporation share) பங்கு.
Samayam Tamilcoins
பங்கு சந்தை முதலீட்டாளர்கள் மத்தியில் நிலையான டிவிடெண்ட் வருமானம் தரும் பங்குகள் மீதான ஆர்வம் அதிகரித்துள்ளது. கூடுதல் வருமானம் ஈட்ட விரும்புவோருக்கு டிவிடெண்ட் பங்குகள் தொடர்ந்து வருமானம் கொடுத்து வருகின்றன.
டிவிடெண்ட் என்றால் என்ன? ஒரு நிறுவனம் தொழில் செய்து வருமானம் ஈட்டுகிறது. அதில் கிடைக்கும் லாபத் தொகையை தனது பங்குதாரர்களுக்கு பிரித்து செலுத்துகிறது. இந்த லாப பங்கு தொகைதான் டிவிடெண்ட். அண்மையில் டிவிடெண்ட் பங்குகள் மீதான ஆர்வமும் அதிகரித்து வருகிறது.
அவ்வகையில், பவர் பைனான்ஸ் நிறுவனத்தின் பங்கு தொடர்ந்து தனது பங்குதாரர்களுக்கு நிலையான வருமானம் வழங்கி வருகிறது. தற்போது பவர் பைனான்ஸ் பங்கு விலை 156.55 ரூபாயாக உள்ளது. கடந்த ஒரு ஆண்டில் மட்டும் 10 ரூபாய் டிவிடெண்ட் வழங்கியுள்ளது பவர் பைனான்ஸ் பங்கு. இதே ஒரு ஆண்டு காலத்தில் பவர் பைனான்ஸ் பங்கு விலையும் சுமார் 30% உயர்ந்துள்ளது. எனவே, பங்கு விலை உயர்வு, டிவிடெண்ட் என பவர் பைனான்ஸ் பங்குதாரர்கள் பக்காவான வருமானத்தை ஈட்டியுள்ளனர்.
கடந்த ஒரு ஆண்டில் பவர் பைனான்ஸ் மொத்தமாக கொடுத்த டிவிடெண்ட் 10 ரூபாய். 2022 ஜூன் மாதம் 1.25 ரூபாய், 2022 செப்டம்பர் மாதம் 2.25 ரூபாய், 2022 நவம்பர் மாதம் 3 ரூபாய், 2023 பிப்ரவரி மாதம் 3.50 ரூபாய் என மொத்தம் 10 ரூபாய் டிவிடெண்ட் செலுத்தியுள்ளது.
2023ஆம் ஆண்டு தொடக்கத்தில் பவர் பைனான்ஸ் பங்கு விலை சுமார் 120 ரூபாயாக இருந்தது. இப்போது பங்கு விலை 156.55 ரூபாயாக உயர்ந்துள்ளது. 120 ரூபாய் பங்கு விலைக்கு 10 ரூபாய் டிவிடெண்ட் எனில் சுமார் 8.3% வருமானம். இதுபோக பங்கு விலை 120 ரூபாயில் இருந்து 150 ரூபாயாக உயர்ந்துள்ளது சுமார் 30% வருமானம். ஆக ஒரே ஆண்டில் மொத்தமாக சுமார் 38% வருமானத்தை பவர் பைனான்ஸ் பங்கு கொடுத்துள்ளது.
பிபிஎப் (7.1%), செல்வமகள் சேமிப்பு திட்டம் (7.6%), பிஎப் (8.1%), சீனியர் சிட்டிசன் சேமிப்பு திட்டம் (8%) மற்றும் சிறு சேமிப்பு திட்டங்களை காட்டிலும் பவர் பைனான்ஸ் பங்கு அதிக வருமானத்தை அள்ளிக் கொடுத்துள்ளது.
நான் விக்னேஷ் பாபு. பொறியியல் பட்டதாரி. பத்திரிகை துறையில் உள்ள ஆர்வத்தால் கடந்த 5 ஆண்டுகளாக இத்துறையில் பணிபுரிந்து வருகிறேன். வர்த்தகம், பங்குச் சந்தை, பொருளாதாரம், அரசு கொள்கைகள், அரசியல் சார்ந்த செய்திகளை எழுதி வருகிறேன். விளக்க கட்டுரைகள் எழுதுவதில் ஆர்வம் உண்டு. தற்போது சமயம் தமிழில் Senior Digital Content Producerஆக பணிபுரிகிறேன்.... மேலும் படிக்க
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
