மானியமில்லாத கேஸ் சிலிண்டர் விலை தடாலடி குறைப்பு!

கடந்த மாதம் மானியமில்லாத சிலிண்டர் விலை ரூ.652.50 என்ற விலையில் விற்கப்பட்டு வந்தது. இந்நிலையில் மானியமில்லாத சிலிண்டரின் விலை அதிரடியாக குறைக்கப்பட்டு இன்று அறிவிப்பு வெளியாகியுள்ளது.

அதன்படி, சென்னையில் மானியமில்லாத 14.2 கிலோ எடை கொண்ட ஒரு கேஸ் சிலிண்டரின் விலை ரூ.62 குறைக்கப்பட்டுள்ளது. எனவே இந்த மாதம் முதல் ரூ.590.50 என்ற விலைக்கு சிலிண்டர் விற்பனைக்கு வரவுள்ளது.

Also Read: Bank Holidays: ஆகஸ்ட் மாத வங்கி விடுமுறை நாட்கள் எவை?

டெல்லியில் ரூ.574.50க்கும், மும்பையில் ரூ.546.50க்கும் ஒரு சிலிண்டர் விற்கப்படுவதாக இந்தியன் ஆயில் நிறுவனம் தெரிவித்துள்ளது. இதற்கிடையில் கேஸ் சிலிண்டர் மானியம் ரத்தாகிறதா என்ற பரபரப்பு ஏற்பட்டுள்ளது.

வீடுகளில் பயன்படுத்தப்படும் கேஸ் சிலிண்டருக்கு, வாடிக்கையாளர்களின் வங்கிக் கணக்கில் உரிய மானியத்தை மத்திய அரசு செலுத்தி வருகிறது. வழக்கமாக மானியம், மானியமில்லாத கேஸ் சிலிண்டரின் விலை பற்றி இந்தியன் ஆயில் நிறுவனம் குறிப்பிடும்.

Also Read: கம்மி விலையில் இண்டிகோ வெளிநாட்டு விமான டிக்கெட்!

ஆனால் இந்த முறை இந்தியன் ஆயில் நிறுவனத்தின் இணைய தளத்தில் மானிய சிலிண்டரின் விலை பற்றி அறிவிப்பு ஏதும் இல்லை. இதன் காரணமாக மானிய சிலிண்டருக்கு இனி மானியம் வருமா என்று சந்தேகம் எழுந்துள்ளது.

Also Read: பங்குச்சந்தையில் சோதனை மேல் சோதனை: முதலீடு செய்தவர்களுக்கு சோகம்!