HDFC Bank: இனி அதிக EMI கட்டணும்.. வட்டி விகிதம் உயர்வு!

இந்தியாவின் மிகப்பெரிய தனியார் வங்கியான எச்டிஎஃப்சி வங்கி (HDFC Bank) கடன்களுக்கான அடிப்படை வட்டி விகிதத்தை உயர்த்தியுள்ளதாக தெரிவித்துள்ளது. இதன்படி எச்டிஎஃப்சி வங்கி MCLR வட்டி விகிதத்தை 0.35% உயர்த்தியுள்ளது.

உயர்த்தப்பட்ட வட்டி விகிதம் இன்று (ஜூன் 7) முதல் அமலுக்கு வருகிறது. இதற்கு முன் ஏற்கெனவே மே 7ஆம் தேதி எச்டிஎஃப்சி வங்கி MCLR வட்டியை 0.25% உயர்த்தியது குறிப்பிடத்தக்கது.

MCLR வட்டி என்பது கடன்களுக்கு விதிக்கப்படும் அடிப்படை வட்டியாகும். இதை உயர்த்தும்போது வீட்டுக் கடன், வாகனக் கடன், தனிநபர் கடன் ஆகிய கடன்களுக்கான EMI தொகை உயரும்.

LIC: 1.2 லட்சம் கோடி ரூபாய் ஸ்வாஹா.. பீதியில் எல்ஐசி முதலீட்டாளர்கள்!
அண்மைக்காலமாக பணவீக்கம் கடுமையாக அதிகரித்து நெருக்கடியை ஏற்படுத்தி வருவதால் மே மாதம் ரிசர்வ் வங்கி ரெப்போ வட்டி விகிதத்தை உயர்த்தியது. இதன் விளைவாக பல்வேறு வங்கிகள் வட்டி விகிதத்தை உயர்த்தி வருகின்றன.

பொதுத்துறை வங்கியான கனரா வங்கியும், தனியார் வங்கியான கரூர் வைஸ்யா வங்கியும் அடிப்படை வட்டியை உயர்த்தியுள்ளதாக நேற்று அறிவித்தன. இந்நிலையில் எச்டிஎஃப்சி வங்கி இன்று முதல் வட்டியை உயர்த்தியுள்ளது.