வீட்டுக் கடன் வட்டி கட்.. பிராசஸிங் கட்டணம் தள்ளுபடி.. பணத்தை சேமிக்கலாம் வாங்க!

பொதுத்துறை வங்கியான பாங்க் ஆஃப் மகாராஷ்டிரா (Bank of Maharashtra) வீட்டுக் கடன் வட்டி விகிதத்தை (Home loan interest rate) குறைத்துள்ளது. குறைக்கப்பட்ட புதிய வட்டி விகிதம் நாளை (மார்ச் 13) முதல் அமல்படுத்தப்படும் என பாங்க் ஆஃப் மகாராஷ்டிரா வங்கி தெரிவித்துள்ளது.

வீட்டுக் கடன்களுக்கான குறைந்தபட்ச வட்டி விகிதத்தை 8.6% - இல் இருந்து 8.4% ஆக குறைத்துள்ளது பாங்க் ஆஃப் மகாராஷ்டிரா வங்கி. பல்வேறு வங்கிகல் அண்மையில் வீட்டுக் கடன்களுக்கு வட்டியை உயர்த்தியுள்ள நிலையில் பாங்க் ஆஃப் மகாராஷ்டிரா வங்கி வீட்டு கடன் வட்டியை குறைத்துள்ளது.

இதுமட்டுமல்லாமல் ராணுவ படை ஊழியர்கள், துணை ராணுவ படை ஊழியர்கள், சம்பளதாரர்கள், ஓய்வூதியதாரர்கள் ஆகியோருக்கு வீட்டுக் கடன்களில் சிறப்பு சலுகைகளை வழங்குகிறது பாங்க் ஆஃப் மகாராஷ்டிரா வங்கி.

இதுமட்டுமல்லாமல், வீட்டுக் கடன், கார் கடன், நகைக் கடன் ஆகிய கடன்களுக்கு பிராசஸிங் கட்டணத்தையும் (Processing fee) தள்ளுபடி செய்துவிட்டது பாங்க் ஆஃப் மகாராஷ்டிரா வங்கி. இதனால் வாடிக்கையாளர்கள் கூடுதல் பணத்தை சேமிக்க முடியும்.

குறைந்த வட்டி, சிறப்பு சலுகைகள், பிராசஸிங் கட்டணம் தள்ளுபடி ஆகிய பலன்களால் வீட்டுக் கடன் வாங்குவோர் நிறைய கூடுதல் செலவுகளை தவிர்த்து பணத்தை மிச்சப்படுத்த முடியும்.

இதுமட்டுமல்லாமல், இன்னொரு பொதுத்துறை வங்கியான பாங்க் ஆஃப் பரோடா வங்கியும் வீட்டுக் கடன் வட்டி விகிதத்தை குறைத்துள்ளது குறிப்பிடத்தக்கது. வீட்டுக் கடன் மட்டுமல்லாமல் MSME கடன்களுக்கும் வட்டி விகிதத்தை பாங்க் ஆஃப் பரோடா வங்கி குறைத்துள்ளது.