சேவிங்ஸ் அக்கவுண்டுக்கு வட்டி குறைப்பு.. வாடிக்கையாளர்களுக்கு ஷாக்கிங் நியூஸ்!

புதிய நிதியாண்டு இன்று தொடங்கியுள்ள நிலையில், பொதுத்துறை வங்கியான இந்தியன் வங்கி (Indian Bank) சேமிப்புக் கணக்குகளுக்கான வட்டி விகிதங்களை மாற்றியுள்ளது. புதிய வட்டி விகிதங்கள் இன்று (ஏப்ரல் 1) முதல் அமலுக்கு வருகின்றன.

சேமிப்புக் கணக்குகளுக்கு வட்டித் தொகை தினசரி பேலன்ஸ் தொகை அடிப்படையில் கணக்கிடப்பட்டு காலாண்டு வாரியாக ஜூன், செப்டம்பர், டிசம்பர், மார்ச் ஆகிய மாதங்களில் செலுத்தப்படும்.

இந்தியன் வங்கி சேமிப்புக் கணக்குகளுக்கு குறைந்தபட்சமாக 2.75% வட்டி வழங்குகிறது. அதிகபட்சமாக 2.90% வட்டி வழங்குகிறது. முந்தை வட்டி விகிதங்களுடன் ஒப்பிடுகையில், 200 கோடி ரூபாய் வரையிலான பேலன்ஸுக்கு வட்டி விகிதம் குறைக்கப்பட்டுள்ளது.

போஸ்ட் ஆபீஸில் பணம் போட்டவர்களுக்கு ஹேப்பி நியூஸ்.. மத்திய அரசு அறிவிப்பு!
புதிய வட்டி விகிதம்:

* 10 லட்சம் ரூபாய் வரையிலான பேலன்ஸ் தொகைக்கு இதுவரை 2.90% வட்டி வழங்கப்பட்டது. இனி 2.75% வட்டி வழங்கப்படும்.

* 200 கோடி ரூபாய் வரையிலான பேலன்ஸ் தொகைக்கு இதுவரை 2.90% வட்டி வழங்கப்பட்டது. இனி 2.80% வட்டி வழங்கப்படும்.

* 200 கோடி ரூபாய்க்கு மேற்பட்ட பேலன்ஸ் தொகைக்கு இதுவரை 2.90% வட்டி வழங்கப்பட்டது. இனியும் 2.90% தொடர்ந்து வழங்கப்படும்.