PNB FD Rates: வைப்பு தொகை வட்டி உயர்வு.. பஞ்சாப் நேஷனல் வங்கி வாடிக்கையாளர்களுக்கு குட் நியூஸ்!

ரிசர்வ் வங்கி கடந்த பிப்ரவரி 8ஆம் தேதி ரெப்போ வட்டி விகிதத்தை 6.50% ஆக உயர்த்தியது. இதைத்தொடர்ந்து பல்வேறு வங்கிகள் சேமிப்பு, ஃபிக்சட் டெபாசிட், ரெகரிங் டெபாசிட் போன்ற திட்டங்களுக்கு வட்டி விகிதத்தை உயர்த்தி வருகின்றன.

இந்த வரிசையில் இப்போது, இந்தியாவின் இரண்டாவது மிகப்பெரிய பொதுத்துறை வங்கியான பஞ்சாப் நேஷனல் வங்கி (Punjab National Bank) ஃபிக்சட் டெபாசிட் திட்டத்தில் வட்டி விகிதங்களை உயர்த்தியுள்ளது. புதிய வட்டி விகிதங்கள் இன்று (பிப்ரவரி 20) முதல் அமல்படுத்தப்பட்டுள்ளன.

2 கோடி ரூபாய்க்கு உட்பட்ட ஃபிக்சட் டெபாசிட்டுகளுக்கு (FD) பஞ்சாப் நேஷனல் வங்கி வட்டி விகிதத்தை உயர்த்தியுள்ளது. பொது வாடிக்கையாளர்களுக்கு அதிகபட்சமாக 7.25% வட்டி விகிதம் வழங்கப்படுகிறது. சீனியர் சிட்டிசன்களுக்கு அதிகபட்சமாக 7.75% வட்டி வழங்கப்படுகிறது.

புதிய வட்டி விகிதங்கள்:

7 - 14 நாட்கள் : 3.50%

15 - 29 நாட்கள் : 3.50%

30 - 45 நாட்கள் : 3.50%

46 - 90 நாட்கள் : 4.50%

180 - 270 நாட்கள் : 5.50%

271 நாட்கள் - 1 ஆண்டு : 5.80%

1 ஆண்டு : 6.80%

1 ஆண்டு - 665 நாட்கள் : 6.80%

666 நாட்கள் : 7.25%

667 நாட்கள் - 2 ஆண்டு : 6.80%

2 ஆண்டு - 3 ஆண்டு : 7%

3 ஆண்டு - 5 ஆண்டு : 6.50%

5 ஆண்டு - 10 ஆண்டு : 6.50%

சீனியர் சிட்டிசன்களுக்கு:

பொது வாடிக்கையாளர்களை காட்டிலும் சீனியர் சிட்டிசன்களுக்கு (60 வயதை தொட்டவர்கள்) அதிக வட்டி வழங்கப்படுகிறது. 60 வயதை தாண்டிய சீனியர் சிட்டிசன்களுக்கு அதிகபட்சமாக 7.75% வட்டி வழங்கப்படுகிறது. 80 வயதை தொட்ட சீனியர் சிட்டிசன்களுக்கு அதிகபட்சமாக 8.05% வட்டி வழங்குகிறது பஞ்சாப் நேஷனல் வங்கி.