Savings Account: வங்கி சேமிப்பு வட்டி குறைப்பு.. புதிய விகிதம் இதுதான்!

பொதுத்துறை வங்கியான யூனியன் பேங்க் ஆஃப் இந்தியா (Union Bank of India) சேமிப்புக் கணக்குகளுக்கான வட்டி விகிதத்தை மாற்றியுள்ளது. புதிய வட்டி விகிதங்கள் ஜூன் 1ஆம் தேதி முதல் அமலுக்கு வரும் எனவும் யூனியன் பேங்க் ஆஃப் இந்தியா தெரிவித்துள்ளது.

இதன்படி, யூனியன் பேங்க் ஆஃப் இந்தியா சேமிப்புக் கணக்குகளுக்கு 50 லட்சம் ரூபாய் வரையிலான இருப்புத் தொகைக்கு வட்டி விகிதத்தை 2.75% ஆக குறைத்துள்ளது. இதற்கு முன் வட்டி விகிதம் 2.90% ஆக இருந்தது குறிப்பிடத்தக்கது.

எனினும், 100 கோடி ரூபாய் முதல் 500 கோடி ரூபாய் வரையிலான இருப்புத் தொகைக்கு வட்டி விகிதம் 3.10% ஆக உயர்த்தப்பட்டுள்ளது. இதற்கு முன் வட்டி விகிதம் 2.90% ஆக இருந்தது குறிப்பிடத்தக்கது.

Home Loan: வீட்டுக் கடன் வட்டி உயர்வு.. EMI தொகை உயரப்போகுது!
500 கோடி ரூபாய் முதல் 1000 கோடி ரூபாய் வரையிலான இருப்புத் தொகைக்கு வட்டி விகிதம் 3.40% ஆக உயர்த்தப்பட்டுள்ளது. இதற்கு முன் வட்டி விகிதம் 2.90% ஆக இருந்தது குறிப்பிடத்தக்கது.

1000 கோடி ரூபாய்க்கு மேற்பட்ட இருப்பு தொகைக்கு வட்டி விகிதம் 3.55% ஆக உயர்த்தப்பட்டுள்ளது. இதற்கு முன் வட்டி விகிதம் 2.90% ஆக இருந்தது.

புதிய வட்டி விகிதம்:

50 லட்சம் ரூபாய் வரை : 2.75%

100 கோடி - 500 கோடி ரூபாய் வரை : 3.10%

500 கோடி - 1000 கோடி ரூபாய் வரை : 3.40%

1000 கோடி ரூபாய்க்கு மேல் : 3.55%