ATM கார்டு பரிவர்த்தனை ரூல்ஸ் மாற்றம்.. புதிய விதிமுறைகள் இதுதான்!

ஏடிஎம் கார்டு பரிவர்த்தனை வரம்புகளை உயர்த்துவதாக பஞ்சாப் நேஷனல் வங்கி தெரிவித்துள்ளது.

Authored byவிக்னேஷ் பாபு | Samayam Tamil 20 Nov 2022, 3:47 pm

நாட்டின் இரண்டாவது மிகப்பெரிய பொதுத்துறை வங்கியான பஞ்சாப் நேஷனல் வங்கி (Punjab National Bank) தனது வாடிக்கையாளர்களுக்கு டெபிட் கார்டு பரிவர்த்தனைக்கான வரம்புகளை மிக விரைவில் மாற்றப்போவதாக தெரிவித்துள்ளது.

இதுகுறித்து பஞ்சாப் நேஷனல் வங்கி இணையதளத்தில் வெளியிட்டுள்ள செய்தியில், உயர் ரக டெபிட் கார்டுகளுக்கு பரிவர்த்தனை வரம்புகள் விரைவில் மாற்றப்படும் என்று தெரிவித்துள்ளது.

பஞ்சாப் நேஷனல் வங்கியின் இணையதளத்தில் வெளியிடப்பட்டுள்ள தகவல்படி, Mastercard, VISA Gold, Rupay ரக பிளாட்டினம் டெபிட் கார்டுகள் அனைத்டிற்கும் தினசரி ஏடிஎம் பரிவர்த்தனை வரம்பு 50,000 ரூபாயில் இருந்து 1 லட்சம் ரூபாயாக உயர்த்தப்படும்.

மேலும், தினசரி ஸ்வைப்பிங் மெஷின்களின் பயன்படுத்துவதற்கான வரம்பு 1,25,000 ரூபாயில் இருந்து 3,00,000 ரூபாயாக உயர்த்தப்படும். இதுபோக Rupay Select மற்றும் VISA Signature டெபிட் கார்டுகளுக்கான ஏடிஎம் பரிவர்த்தனை உச்சவரம்பு 50,000 ரூபாயில் இருந்து 1.5 லட்சம் ரூபாயாக உயர்த்தப்படும்.

ஆதார் கார்டுதாரர்களுக்கு ரூ.5 லட்சம்.. மத்திய அரசு பரபரப்பு தகவல்!
இதே கார்டுகளுக்கு தினசரி ஸ்வைப்பிங் மெஷின் பரிவர்த்தனைக்கான வரம்பு 1.25 லட்சம் ரூபாயில் இருந்து 5 லட்சம் ரூபாயாக உயர்த்தப்படும் என பஞ்சாப் நேஷனல் வங்கி தெரிவித்துள்ளது.

இவை அனைத்துமே டெபிட் கார்டுகளுக்கு அனுமதிக்கப்படும் வரம்புகள் மட்டுமே. வாடிக்கையாளர்கள் இண்டர்நெட் பேங்கிங் அல்லது மொபைல் பேங்கிங் ஆப் வழியாக விருப்பத்துக்கு ஏற்ப வரம்பை குறைத்து அல்லது ஏற்றிக்கொள்ளலாம்.

மேலும், வாடிக்கையாளர்கள் அனைவரும் தங்கள் டெபிட் கார்டுக்கான பின் நம்பர் மற்றும் ஓடிபி பாஸ்வோர்டை யாரிடமும் பகிர வேண்டாம் என பஞ்சாப் நேஷனல் வங்கி அறிவுறுத்தியுள்ளது.

ATM கார்டு பரிவர்த்தனை ரூல்ஸ் மாற்றம்.. புதிய விதிமுறைகள் இதுதான்!

ஏடிஎம் கார்டு பரிவர்த்தனை வரம்புகளை உயர்த்துவதாக பஞ்சாப் நேஷனல் வங்கி தெரிவித்துள்ளது.

அடுத்த செய்தி