ஆரம்பமே லாபம்.. இந்த ரயில்வே பங்கு உங்களிடம் இருக்கா?

இன்று பங்கு வர்த்தகம் தொடங்கியதும் ரயில்வே துறை பங்கான ரயில் விகாஸ் நிகாம் லிமிட்டெட் (Rail Vikas Nigam Limited) பங்கு விலை 3% அதிகரித்துள்ளது. 1088 கோடி ரூபாய் மதிப்புள்ள ஒப்பந்தத்தை ரயில் விகாஸ் நிகாம் நிறுவனம் கைப்பற்றிய நிலையில் அதன் பங்கு விலை உயர்ந்துள்ளது.

ஹரியானா ரயில் உள்கட்டமைப்பு மேம்பாட்டு நிறுவனத்திடம் இருந்து 1088 கோடி ரூபாய் மதிப்புள்ள ஒப்பந்தத்தை ரயில் விகாஸ் நிகாம் நிறுவனம் பெற்றுள்ளது. இந்த ஒப்பந்தத்தின் அடிப்படையில், ஹரியானா ரயில் உள்கட்டமைப்பு மேம்பாட்டு நிறுவனத்துக்காக இரட்டை டன்னல் திட்டப் பணிகளுக்கான வடிவமைப்பு மற்றும் கட்டுமானத்தை ரயில் விகாஸ் நிகாம் மேற்கொள்ள இருக்கிறது.

இதுபோக இத்திட்டத்தில் மின்சார கட்டமைப்பு பணிகளும், சோதனை உள்ளிட்ட பல்வேறு பணிகளும் நடைபெற இருக்கின்றன. இந்த ஒப்பந்தத்தின் மொத்த மதிப்பு 1088.49 கோடி ரூபாய் ஆகும். மேலும் இந்த பணிகளை 1460 நாட்களில் முடித்தாக வேண்டும்.

இந்த ஒப்பந்தத்தை ரயில் விகாஸ் நிகாம் நிறுவனம் கைப்பற்றியதாக தகவல் வெளியானதை தொடர்ந்து இன்று பங்கு வர்த்தகம் தொடங்கியதும் ரயில் விகாஸ் நிகாம் பங்கு விலை 3% அதிகரித்து 64.85 ரூபாயாக உயர்ந்துள்ளது.

ரயில் விகாஸ் நிகாம் நிறுவனம் அண்மையில் பல்வேறு ஒப்பந்தங்களை வெவ்வேறு மாநிலங்களிலும் கைப்பற்றியுள்ளது. இதனால் இந்த பங்கு விலையும் உயர்ந்துள்ளது.

ரயில் விகாஸ் நிகாம் பங்கின் 52 வார உச்சம் 84.15 ரூபாயாகவும், 52 வார சரிவு 29 ரூபாயாகவும் இருக்கிறது.