சிலிண்டர் மானியம் 640 ரூபாய் இன்று வழங்கப்படும்.. யாருக்கெல்லாம் கிடைக்கும்?

இன்று சுமார் 14 லட்சம் குடும்பங்களுக்கு 600 ரூபாய்க்கு மேல் சிலிண்டர் மானியம் வழங்கப்படும் என ராஜஸ்தான் முதல்வர் அசோக் கெலாட் அறிவித்துள்ளார்.

இந்திரா காந்தி கேஸ் சிலிண்டர் மானிய திட்டத்தின் கீழ் ராஜஸ்தான் மாநிலத்தை சேர்ந்த தகுதியுள்ள 14 லட்சம் குடும்பங்களுக்கு தலா 640 ரூபாய் சிலிண்டர் மானியம் வழங்கப்படும் என ராஜஸ்தான் முதல்வர் அசோக் கெலாட் தெரிவித்துள்ளார்.

ராஜஸ்தான் மாநிலம் ஜோத்பூரில் 1000 கோடி ரூபாய் மதிப்புள்ள வளர்ச்சி திட்டங்களை தொடங்குவதற்காக அம்மாநில முதல்வர் அசோக் கெலாட் இன்று வந்திருந்தார். அப்போது அவர், 14 லட்சம் குடும்பங்களுக்கு தலா 640 ரூபாய் சிலிண்டர் மானியம் வழங்கப்படும் என்று அறிவித்தார்.

இந்த சிலிண்டர் மானிய திட்டத்தின் கீழ் 80 லட்சம் குடும்பங்கள் மானியம் பெற தகுதியுள்ளவர்கள் ஆவர். எனினும், தகுதியுள்ளவர்கள் குறித்து முழு விவரங்களை பெற மத்திய அரசிடம் முயற்சித்து வருவதால், தற்போது மாநில அரசு அளவில் தகவல்கள் திரட்டப்பட்டு தகுதியுள்ள 14 லட்சம் குடும்பங்களுக்கு தலா 640 ரூபாய் சிலிண்டர் மானியம் வழங்கப்படுவதாக முதல்வர் தெரிவித்தார்.

இன்றே இந்த 14 லட்சம் குடும்பங்களுக்கும் 640 ரூபாய் சிலிண்டர் மானியம் செலுத்தப்படும் என்பது கூடுதல் சிறப்பு.

தற்போது இந்தியாவில் கேஸ் சிலிண்டர் விலை மிக அதிகமாக நீடித்து வருகிறது. இதனால் எளிய குடும்பங்களின் பட்ஜெட் கடுமையாக பாதிக்கப்பட்டுள்ளது. கேஸ் சிலிண்டர் விலையில் இருந்து பொதுமக்களுக்கு நிவாரணம் வழங்குவதற்கு ராஜஸ்தான் அரசு தகுதியுள்ள குடும்பங்களுக்கு மானியம் வழங்கப்படும் என அறிவித்தது.

அவ்வகையில் இன்று தகுதியுள்ள குடும்பங்களுக்கு தலா 640 ரூபாய் சிலிண்டர் மானியம் வழங்கப்படும் என ராஜஸ்தான் முதல்வர் அசோக் கெலாட் அறிவித்துள்ளார். இதனால் சுமார் 14 லட்சம் குடும்பங்கள் பயனடைய இருக்கின்றன.