சீனாவை இந்தியா முந்துமா? ரகுராம் ராஜன் சொல்வதை கேளுங்க!

உலகளவில் சீனா ஒரு மிகப்பெரிய பொருளாதார சக்தியாகவும், வர்த்தக சக்தியாகவும் இருக்கிறது. எனினும், கடந்த வாரம் உலக வங்கி வெளியிட்ட அறிக்கையில், இந்த ஆண்டில் உலகம் முழுவதும் பொருளாதார மந்தநிலை ஏற்படலாம் எனவும், அமெரிக்கா, சீனா, ஐரோப்பா பொருளாதாரங்களின் வளர்ச்சி சரியலாம் எனவும் தெரிவித்துள்ளது.

2022ஆம் ஆண்டில் சீன பொருளாதாரம் 3% மட்டுமே வளர்ச்சி அடைந்துள்ளதாக அதிகாரப்பூர்வ தகவல் வெளியாகியுள்ளது. இதற்கிடையே, சீனாவை பின்னுக்கு தள்ளி உலக பொருளாதார வளர்ச்சியில் இந்தியா ஆதிக்கம் செலுத்தக்கூடும் என்ற கருத்தும் உருவாகியுள்ளது. இதற்கு ரிசர்வ் வங்கியின் முன்னாள் ஆளுநர் ரகுராம் ராஜன் பதில் அளித்துள்ளார்.

சுவிச்சர்லாந்தில் உலக பொருளாதார மன்றத்தின் (World Economic Forum) மாநாடு நடைபெற்று வருகிறது. இந்நிகழ்வின்போது ரகுராம் ராஜன் செய்தியாளர்களிடம் பேசினார். அப்போது அவர், “சீனாவுக்கு பதிலாக இந்தியா ஆதிக்கம் செலுத்தும் என்ற வாதம் முதிர்ச்சி அற்றது. ஏனெனில், இந்தியா தற்போது மிக சிறிய பொருளாதாரம்.

FD வட்டி விகிதம் உயர்வு.. கனரா வங்கி வாடிக்கையாளர்களுக்கு நற்செய்தி!
எனினும் நிலைமை மாறக்கூடும். ஏனென்றால், இந்தியா தற்போது உலகின் ஐந்தாவது மிகப்பெரிய பொருளாதாரமாக உள்ளது. இந்திய பொருளாதாரம் தொடர்ந்து வளரவும் முடியும். சீன பொருளாதாரத்தில் முன்னேற்றம் ஏற்பட்டால் அது உலகளவில் வளர்ச்சியை தூண்டும்.

அமெரிக்காவை பொறுத்தவரை வீடு விற்பனை மோசமாக இல்லை. ஆனால் ரியல் எஸ்டேட் விலையும் சரியவில்லை. ரஷ்யா - உக்ரைன் போர் முடிவுக்கு வந்தால் விலை நிச்சயம் உயரும்.

சீனா தற்போது கொரோனா பாதிப்பை எதிர்கொண்டு வருகிறது. இந்தாண்டில் சீன பொருளாதாரம் மீண்டும் வளரும். பெரும்பாலான வளர்ச்சி உள்நாட்டு சேவைகளில் இருக்கும். எனவே வெளியே தாக்கம் இருக்காது. உற்பத்தியில் முன்னேற்றம் இருந்தால் உலகளவில் விலை மலிவடையக்கூடும்” என்று தெரிவித்துள்ளார்.