‘ரிசர்வ் வங்கி வட்டிவிகிதம் குறைக்க வாய்ப்பில்லை’

இம்மாதம் ரிசர்வ் வங்கி வெளியிட உள்ள நிதிக்கொள்கை அறிவிக்கையில், வட்டி விகிதம் குறைக்கப்படுவதற்கான வாய்ப்புகள் மிகக் குறைவு என தகவல் வெளியாகியுள்ளது.

ஐரோப்பிய கூட்டமைப்பில் இருந்து பிரிட்டன் விலகுவதாக, அறிவித்தது. இதனால், இந்தியா உள்ளிட்ட வளரும் நாடுகளின் கடன்பத்திர சந்தை மற்றும் அந்நிய செலாவணி கையிருப்பில் பாதிப்பு ஏற்பட்டுள்ளது. அத்துடன் உள்நாட்டிலும், தற்போது ஜிஎஸ்டி மசோதா நாடாளுமன்றத்தில் நிறைவேற்றப்பட்டுள்ளது.

அம்மசோதா நடைமுறைக்கு வரும்போது, பணவீக்கம் அதிகரிக்கும் எனக் கூறப்படுகிறது. இந்த அச்சத்தை போக்கும் விதமாக, ரிசர்வ் வங்கி வட்டிவிகிதத்தை உயர்த்தவோ அல்லது குறைக்கவோ செய்யாமல், தற்போதைய நிலையிலேயே இன்னும் சில மாதங்களுக்கு தொடர முடிவு செய்துள்ளதாக, தெரியவந்துள்ளது.

பணவீக்கம் கட்டுக்குள் இருக்கும் சூழலில் மட்டுமே, வட்டிவிகிதத்தை கணிசமாக உயர்த்த திட்டமிட்டுள்ளதாகவும், அதுவரை வட்டிவிகிதத்தைக் குறைக்காமல் இயல்பு நிலையிலேயே தொடரப் போவதாகவும் ரிசர்வ் வங்கி வட்டாரங்கள் குறிப்பிடுகின்றன.