இ.எஸ்.ஐ திட்ட சந்தா விகிதம் அதிரடியாக குறைப்பு; சலுகையை வாரி வழங்கிய மத்திய அரசு!

தொழிலாளர் மாநில காப்பீட்டு சட்டம் 1948ன் கீழ், மருத்துவம், நிதி, கர்ப்ப கால, மாற்றுத் திறனாளிகள், சார்ந்த வாழும் நபர்களுக்கு என பல்வேறு வசதிகள் செய்யப்படுகின்றன. இது ESIC-ன் கீழ் நிர்வகிக்கப்பட்டு வருகிறது.

இதற்கான நிதியில் தொழிலாளர்கள் மற்றும் தொழில் நிறுவனங்கள் ஆகிய இரு தரப்பினரும் பங்களிப்பை செலுத்துகின்றனர். ESI எனப்படும் தொழிலாளர் மாநில காப்பீட்டு சட்டத்தின் சந்தா விகிதத்தை மத்திய தொழிலாளர் நலத்துறை அமைச்சகம் முடிவு செய்கிறது.

தற்போதைய நிலையில் தொழிலாளர்கள் 4.75% மற்றும் தொழில் நிறுவனங்கள் 1.75% என மொத்தம் 6.5% இ.எஸ்.ஐக்கு பங்களிப்பை செலுத்தி வருகின்றனர். இந்நிலையில் பிரதமர் மோடி தலைமையிலான மத்திய அரசு, வரலாற்று சிறப்புமிக்க முடிவை தற்போது எடுத்துள்ளது.

அதாவது, இ.எஸ்.ஐ சந்தா விகிதத்தை 6.5%ல் இருந்து 4%ஆக குறைத்துள்ளது. அதன்படி, இனி தொழிலாளர்கள் செலுத்தும் சந்தா 4.75%ல் இருந்து 3.25%ஆகவும், தொழில் நிறுவனங்கள் செலுத்தும் சந்தா 1.75%ல் இருந்து 0.75%ஆகவும் குறைக்கப்படுகிறது.

இந்த குறைக்கப்பட்ட சந்தா விகிதம் வரும் ஜூலை 1ஆம் தேதியில் இருந்து நடைமுறைக்கு வருகிறது. இது 3.6 கோடி தொழிலாளர்கள் மற்றும் 12.85 லட்சம் தொழில் நிறுவனங்களும் பயன்பெறுகின்றனர்.