ஆப்நகரம்

பழைய அரசு வாகனங்களுக்கு ஆப்பு... இனி குப்பையில்தான் போடணும்!

15 ஆண்டுகளுக்கு மேல் பழமையான வாகனங்களை அடுத்த ஆண்டு முதல் புதுப்பிக்க முடியாது.

Samayam Tamil 13 Mar 2021, 10:55 pm
2021-22 நிதியாண்டுக்கான மத்திய பட்ஜெட் பிப்ரவரி 1ஆம் தேதி நிதியமைச்சர் நிர்மலா சீதாராமனால் தாக்கல் செய்யப்பட்டது. அதில், வாகன ஸ்கிராப் பாலிசி திட்டம் ஒன்று அறிவிக்கப்பட்டது. அதன்படி, 15 ஆண்டுகளுக்கு மேல் பழமையான வாகனங்களைப் பயன்படுத்த முடியாது. அவற்றை புதுப்பிக்கவும் முடியாது. இந்தக் கொள்கை இன்னும் அமலுக்கு வரவில்லை. அதற்கான ஆலோசனைகள் மற்றும் கருத்துகள் கேட்கும் பணியில் மத்திய அரசு இறங்கியுள்ள நிலையில், விரைவில் இதுகுறித்து அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.
Samayam Tamil 15 years


மத்திய நிதியமைச்சகம் இதற்கான விதிமுறைகள் அடங்கிய அறிவிப்பை வெளியிட்டுள்ளது. அதன்படி, 2022 ஏப்ரல் 1ஆம் தேதி முதல் அரசுத் துறையைச் சேர்ந்த வாகனங்கள் 15 ஆண்டுகளுக்கு மேல் பழமையானவையாக இருந்தால் அவற்றைப் புதுப்பிக்க முடியாது. இந்த அறிவிப்பானது அனைத்து அரசுத் துறை வாகனங்களுக்கும் பொருந்தும். வாகன ஸ்கிராப் பாலிசியின்படி, தனிநபர் பயன்பாட்டு வாகனங்கள் 20 ஆண்டுகள் கழித்தும், வர்த்தகப் பயன்பாட்டு வாகனங்கள் 15 ஆண்டுகள் கழித்தும் ஃபிட்னஸ் சோதனைக்கு ஈடுபடுத்தப்பட வேண்டும். இந்தத் திட்டத்தின் கீழ் சுமார் 1 கோடி வாகனங்கள் வரும் என்று கூறப்படுகிறது.

Bank Leave: நான்கு நாட்கள் வங்கிகள் இயங்காது!
இந்தத் திட்டத்தின் மூலம் அரசுக்கு ரூ.10,000 கோடி வரையில் நிதி கிடைக்கும் எனவும், 50 பேருக்கு வேலைவாய்ப்புகளும் வரும் எனவும் மத்திய சாலைப் போக்குவரத்து மற்றும் நெடுஞ்சாலைத் துறை அமைச்சரான நிதின் கட்கரி கூறியுள்ளார். புகை மாசுபாட்டைக் கட்டுப்படுத்தும் நோக்கத்திலேயே இத்திட்டம் அமலுக்கு வரவிருக்கிறது. மறுபுறம் எலெக்ட்ரிக் வாகனப் பயன்பாட்டுக்கு இந்தியாவை முழுவதுமாக மாற்றும் முயற்சியில் மத்திய அரசு இறங்கியுள்ளது குறிப்பிடத்தக்கது.

அடுத்த செய்தி

டிரெண்டிங்