எல்லாருக்கும் சம்பள உயர்வு.. ஊழியர்களுக்கு குட் நியூஸ்!

கடந்த 10 ஆண்டுகளில் இல்லாத அளவுக்கு அமெரிக்க ஊழியர்களுக்கு சம்பள உயர்வு கிடைக்கப்போவதாக தகவல் வெளியாகியுள்ளது. அமெரிக்க ஊழியர்களின் சம்பளம் 3.9% உயரப்போவதாக The Conference Board வெளியிட்டுள்ள ஆய்வறிக்கை கூறுகிறது.

இந்த ஆண்டிலேயே வேலையை மாற்றியவர்களுக்கு மிகப்பெரிய அளவில் சம்பளம் கிடைத்துள்ளதாகவும், 2022ஆம் ஆண்டில் ஏற்கெனவே இருக்கும் ஊழியர்களுக்கு 3.9% சம்பள உயர்வு கிடைக்கும் எனவும் இந்த அறிக்கை கூறுகிறது.

தற்போதைய ஊழியர்களுக்கு சம்பளத்தை உயர்த்த விரும்புவதாக இந்த ஆய்வில் பங்கேற்ற சுமார் 50% நிறுவனங்கள் தெரிவித்துள்ளன. இந்த ஆய்வில், 2022ஆம் ஆண்டில் சம்பளத்தை உயர்த்துவதற்கு திட்டம் உள்ளதா என பல்வேறு நிறுவனங்களிடம் கேள்வியெழுப்பப்பட்டது.

அரசு ஊழியர்களுக்கு ஜாக்பாட்.. வெளியானது சூப்பர் தகவல்!
அதற்கு, புதிய ஊழியர்களுக்கே அதிக சம்பளம் வழங்க திட்டமிட்டுள்ளதாக 46% நிறுவனங்கள் தெரிவித்துள்ளன. மேலும், செப்டம்பர் மாதத்தில் மட்டும் வேலையை மாற்றிய ஊழியர்களுக்கு 6.6% சம்பள உயர்வு கிடைத்துள்ளதாக இந்த ஆய்வு கூறுகிறது.

அக்டோபர் மாதத்தில் 1.1 கோடி வேலைவாய்ப்புகள் இருந்துள்ளன. இதில் 65 லட்சம் ஊழியர்கள் பணியமர்த்தப்பட்டுள்ளனர். அதே வேளையில் 42 லட்சம் ஊழியர்கள் வேலையில் இருந்து வெளியேறியுள்ளதாக இந்த ஆய்வறிக்கை கூறுகிறது.