இந்தியப் பொருளாதார வளர்ச்சி.. ரிசர்வ் வங்கி நம்பிக்கை!

இந்தியா முழுவதும் இப்போது 2000 ரூபாய் நோட்டுகள் பற்றிய விவாதம் பரவலாக உள்ளது. 2000 ரூபாய் நோட்டுகளை புழக்கத்தில் இருந்து நீக்குவதாக ரிசர்வ் வங்கி அறிவித்துள்ளது. இந்த அறிவிப்புக்குப் பிறகு 2000 ரூபாய் நோட்டுகளை மாற்றுவது குறித்து மக்களுக்கு நிறைய சந்தேகங்களும் கேள்விகளும் எழுந்தன. அதற்கு ரிசர்வ் வங்கி ஆளுநர் சக்திகாந்த தாஸ் தொடர்ந்து விளக்கம் கொடுத்து வருகிறார். இந்த நோட்டுகளை மாற்றுவதற்கான கால அவகாசம் தேவைப்பட்டால் நீக்கப்படும் எனவும் அவர் தெரிவித்துள்ளார்.

2016ஆம் ஆண்டில் பணமதிப்பழிப்பு நடவடிக்கை மேற்கொள்ளப்பட்ட சமயத்தில் பொருளாதார வளர்ச்சியில் சற்று பின்னடைவு ஏற்பட்டது. அதேபோல, இப்போது 2000 ரூபாய் நோட்டுகள் மீதான தடையால் பொருளாதார வளர்ச்சியில் எதுவும் பின்னடைவு ஏற்படுமோ என்ற அச்சம் நிலவுகிறது. இந்நிலையில், இந்தியப் பொருளாதார வளர்ச்சி இந்த ஆண்டில் சிறப்பாக இருக்கும் என்று ரிசர்வ் வங்கி ஆளுநர் சக்திகாந்த தாஸ் நம்பிக்கை தெரிவித்துள்ளார்.

அதாவது, 2022-23 நிதியாண்டில் இந்தியப் பொருளாதாரம் 7 சதவீதத்துக்கு மேல் வளரும் என்று ரிசர்வ் வங்கி கணித்துள்ளது. அதேபோல, முந்தைய 2021-22 நிதியாண்டிலும் பொருளாதார வளர்ச்சி சிறப்பாக இருக்கும் என்று மதிப்பிடப்பட்டுள்ளது.

நடப்பு நிதியாண்டில் இந்தியப் பொருளாதாரம் 6.4 சதவீதம் வரையில் வளர்ச்சி அடையும் என்று உலக வங்கியும் ஆசிய மேம்பாட்டு வங்கியும் மதிப்பிட்டுள்ளன. அதேபோல, சர்வதேச நாணய நிதியமும் நடப்பு நிதியாண்டுக்கான இந்தியப் பொருளாதார வளர்ச்சி மதிப்பீட்டை 6.1 சதவீதத்திலிருந்து 5.9 சதவீதமாகக் குறைத்துள்ளது. எனினும், பொருளாதார வளர்ச்சிக்கான காரணிகள் சிறப்பாக இருப்பதால் 7 சதவீத்தைத் தாண்டிய வளர்ச்சியை எதிர்பார்க்கலாம் என்று ரிசர்வ் வங்கி தெரிவித்துள்ளது.