வந்தாச்சு சாம்சங் கிரெடிட் கார்டு.. கேஷ்பேக் பிரியர்களுக்கு வரப்பிரசாதம்!

எலெக்ட்ரானிக்ஸ் நிறுவனமான சாம்சங் (SAMSUNG) இந்தியாவில் தனது முதல் கிரெடிட் கார்டை அறிமுகப்படுத்தியுள்ளது. இதற்காக ஆக்ஸிஸ் வங்கியுடனும், விசா நிறுவனத்துடனும் சாம்சங் நிறுவனம் கைகோர்த்துள்ளது.

சாம்சங்கின் இந்த கிரெடிட் கார்டு வைத்திருக்கும் வாடிக்கையாளர்களுக்கு சாம்சங்கின் அனைத்து பொருட்கள் மற்றும் சேவைகளை வாங்கும்போது 10% கேஷ்பேக் சலுகை கிடைக்கும். சாம்சங் பொருட்களுக்கு ஏற்கெனவே வழங்கப்படும் இதர சலுகைகளையும் தாண்டி இந்த கூடுதல் 10% கேஷ்பேக் சலுகை கிடைக்கும்.

இந்தியாவில் வாடிக்கையாளர்கள் ஒவ்வொரு மொபைல் வாங்கியபிறகும் 12 மாதங்களில் புதிய மொபைலுக்கு மாறுவதாகவும், வாடிக்கையாளர்கள் பணத்தை சேமிப்பதற்கு இந்த புதிய கிரெடிட் கார்டு உதவும் எனவும் சாம்சங் இந்தியா நிறுவனத்தின் மொபைல் பிரிவு சீனியர் துணை தலைவர் ராஜு தெரிவித்துள்ளார்.

இந்திய ஊழியர்களின் சம்பளம் உயர்வு.. இந்த துறைகளை சேர்ந்தவர்களுக்கு குட் டைம்!
சாம்சங் கிரெடிட் கார்டுக்கான ஆண்டுக் கட்டணம் Signatiure variantக்கு 500 ரூபாய் மற்றும் Infinite variantக்கு 5000 ரூபாய்.

Signature variantல் வாடிக்கையாளர்கள் ஆண்டுக்கு 10,000 ரூபாய் வரை கேஷ்பேக் சலுகையாக பெறலாம். மாதம் தோறும் 2,500 ரூபாய் வரை கேஷ்பேக் பெறலாம்.

Infinite variantல் வாடிக்கையாளர்கள் ஆண்டுக்கு 20,000 ரூபாய் வரை கேஷ்பேக் சலுகை பெறலாம். மாதம் 5000 ரூபாய் வரை கேஷ்பேக் பெறலாம்.

பிக் பேஸ்கட், மிந்த்ரா, டாடா 1எம்ஜி, அர்பன் கம்பெனி, சொமாட்டோ ஆகிய தளங்களில் சாம்சங் கிரெடிட் கார்டு பயன்படுத்துவோருக்கு ரிவார்டுகள் கிடைக்கும்.

இதுபோக, விமான நிலையங்களில் Lounge வசதியும் பயன்படுத்திக்கொள்ளலாம். பெட்ரோல், டீசல் போடும்போது கூடுதல் கட்டணம் (fuel surcharge) தள்ளுபடியும் கிடைக்கிறது. இதுபோக, உணவகங்களிலும் சலுகைகள் கிடைக்கும்.