சம்பளத்திற்கு பெறும் ஊழியர்கள் அனைவருக்குமே பெரும்பாலும் வங்கி சேமிப்புக் கணக்கிற்குதான் சம்பளம் வரும். அதில் இருந்து முதலீடு, கடன் போன்றவற்றையும் சேமிப்புக் கணக்கின் வாயிலாகவே மேற்கொள்கிறோம்.

சேமிப்புக் கணக்குகளுக்கும் வங்கி சார்பில் வட்டி வருமானம் கிடைக்கும். ஆனால், ஃபிக்ஸட் டெபாசிட் திட்டங்களைக் காட்டிலும் சேமிப்புக் கணக்குகளுக்கு குறைவான வட்டியே கிடைக்கும்.

இதிலும், தனியார் வங்கிகள் மற்றும் ஸ்மால் பைனான்ஸ் வங்கிகளை காட்டிலும் அரசு வங்கிகளில் சேமிப்புக் கணக்குகளுக்கு மிக மிக குறைவான வட்டியே வழங்கப்படுகிறது.

Fixed Deposit: வட்டியை குறைத்த எஸ்பிஐ

எனினும், அரசு வங்கிகளிலேயே அதிக வட்டி வருமானம் கொடுக்கும் சேமிப்புக் கணக்குகளை பற்றி பார்க்கலாம். ஏறக்குறைய தனியார் வங்கிகளுடன் போட்டியிடும் அளவுக்குதான் இந்த அரசு வங்கிகளும் வட்டி வருமானம் கொடுக்கின்றன.

உதாரணத்துக்கு, ஹெச்டிஎஃப்சி, ஐசிஐசிஐ ஆகிய தனியார் வங்கிகள் முறையே 3% மற்றும் 3.5% வட்டி கொடுக்கின்றன. மறுபுறம், ஐடிபிஐ மற்றும் பஞ்சாப் & சிந்த் வங்கி ஆகிய அரசு வங்கிகள் முறையே 3.6% மற்றும் 3.5% வரை வட்டி கொடுக்கின்றன.

இப்போது அதிக வட்டி வருமானம் கொடுக்கும் அரசு வங்கிகளின் பட்டியலை பார்க்கலாம்.

ஐடிபிஐ வங்கி : 3.1% - 3.6%

பஞ்சாப் & சிந்த் வங்கி : 3.1% - 3.5%

இந்தியன் ஓவர்சீஸ் வங்கி : 3.10%

பேங்க் ஆஃப் இந்தியா : 3%

யூனியன் பேங்க் : 3%