இந்த அக்கவுண்ட்ல இவ்ளோ லாபமா? ரூ.30 லட்சம் காப்பீடு!

இந்தியாவின் மிகப் பெரிய பொதுத் துறை வங்கியான ஸ்டேட் பேங்க் ஆஃப் இந்தியா தனது வாடிக்கையாளர்களுக்கு பல்வேறு சேவைகளை வழங்கி வருகிறது. வீட்டிலிருந்து வங்கிச் சேவைகளைப் பெறும் வசதி போன்ற அம்சங்கள் ஏராளம். குறிப்பாக, ஸ்டேட் பேங்க் ஆஃப் இந்தியா சேலரி அக்கவுண்ட் ஹோல்டர்களுக்கு நிறைய சலுகைகள் வழங்கப்படுகின்றன. அவற்றுள் மிக முக்கியமான ஒன்று ரூ.30 லட்சம் வரையிலான விபத்துக் காப்பீடு. வழக்கமான சாலை விபத்துகள் மட்டுமல்லாமல், விண்ணில் ஏற்படும் மரணங்களுக்கும் ரூ.30 லட்சம் விபத்துக் காப்பீடு வழங்கப்படுகிறது.

ஸ்டேட் பேங்க் ஆஃப் இந்தியா வங்கியில் தனிநபர் கடன், வீட்டுக் கடன், வாகனக் கடன் என எந்தவொரு கடனை வாங்கினாலும் சேலரி அக்கவுண்ட் வாடிக்கையாளர்களுக்கு 50 சதவீதம் செயல்பாட்டுக் கட்டணம் ரத்து செய்யப்படுகிறது. இன்னொரு சலுகை என்னவென்றால் சேலரி அக்கவுண்ட் வைத்திருப்பவர்கள் இவ்வங்கியில் ஓவர் டிராஃப்ட் வசதியையும் பெறலாம். இச்சலுகையின் கீழ் வாடிக்கையாளர்கள் தங்களது இரண்டு மாத சம்பளத் தொகையை ஓவர் டிராஃப்ட் வசதியின் கீழ் பெறலாம்.

கம்மி விலையில் போன் வாங்கலாம்... 5 நாள்தான் டைம்!
சேலரி அக்கவுண்ட் ஹோல்டர்களுக்கு லாக்கர் கட்டணத்தில் 25 சதவீத தள்ளுபடி வழங்கப்படுகிறது. இது போன்ற பல வசதிகள் ஸ்டேட் பேங்க் ஆஃப் இந்தியா வங்கியின் சேலரி அக்கவுண்ட் ஹோல்டர்களுக்குக் கிடைக்கிறது. மினிமம் அக்கவுண்ட் பேலன்ஸ் நெருக்கடியும் இல்லை. ஆன்லைன் ஆர்.டி.ஜி.எஸ்., நெஃப்ட் கட்டணங்களும் கிடையாது.