SBI கார்டு வைத்திருப்போருக்கு நல்ல காலம்.. மழையாக பெய்யும் சலுகைகள்!

பண்டிகைக்காலம் தொடங்கிவிட்ட நிலையில் எஸ்பிஐ கார்டு (SBI Card) நிறுவனம் தனது வாடிக்கையாளர்களுக்கு பல்வேறு சலுகைகளை அறிவித்துள்ளது. செப்டம்பர் 22ஆம் தேதி முதல் அக்டோபர் 31ஆம் தேதி வரை இந்த சலுகைகள் கிடைக்கும்.

சுமார் 1600க்கும் மேற்பட்ட ஆன்லைன் மற்றும் ஆஃப்லைன் நிறுவனங்களில் எஸ்பிஐ கார்டு சூப்பரான சலுகைகளை அறிவித்துள்ளது. முதல் நிலை, இரண்டாம் நிலை மற்றும் மூன்றாம் நிலை நகரங்கள் என சுமார் 2600 நகரங்களில் எஸ்பிஐ கார்டு பயனாளிகள் சலுகைகளை பெறலாம்.

பல்வேறு பிராண்டுகளில் எஸ்பிஐ கார்டு பயன்படுத்தி ஷாப்பிங் செய்தால் 22.5% கேஷ்பேக் கிடைக்கும். எலெக்ட்ரானிக்ஸ், மொபைல், ஃபேஷன், லைஃப்ஸ்டைல், ட்ராவல் என பல்வேறு பிரிவுகளில் எஸ்பிஐ கார்டு தனது பயனாளிகளுக்கு சலுகைகளை வழங்குகிறது.

வந்தாச்சு சாம்சங் கிரெடிட் கார்டு.. கேஷ்பேக் பிரியர்களுக்கு வரப்பிரசாதம்!
குறிப்பாக, அமேசான் நிறுவனத்துடன் எஸ்பிஐ பார்ட்னர்ஷிப் போட்டுள்ளது. அமேசான் நிறுவனத்தின் 'Great Indian festival sale' சிறப்பு விற்பனை தற்போது நடைபெற்று வருகிரது. அதில் எஸ்பிஐ கார்டு பயனாளிகளுக்கு பல்வேறு சூப்பரான சலுகைகள் கிடைக்கின்றன.

இதில் எஸ்பிஐ கார்டு சுமார் 28 பிரபல பிராண்டுகளுடன் கைகோர்த்து சலுகைகளை வழங்குகிறது. ஃப்ளிப்கார்ட், சாம்சங் மொபைல் ரிலையன்ஸ் ட்ரெண்ட்ஸ், பாண்டலூன்ஸ், ரேமண்ட்ஸ், எல்ஜி, சாம்சங், சோனி, மேக் மை ட்ரிப், கோஐபிபோ, விஷால் மெகா மார்ட், ரிலையன்ஸ் ஜுவல்ஸ், ஹீரோ மோட்டார்ஸ் உள்ளிட்ட பிராண்டுகளுடன் எஸ்பிஐ கார்டு பார்ட்னர்ஷிப் போட்டுள்ளது.