SBI Whatsapp: வாட்சப் மட்டும் இருந்தால் போதும்.. எஸ்பிஐ வாடிக்கையாளர்களுக்கு இனி ரொம்ப ஈசி!

இந்தியாவின் மிகப்பெரிய வங்கியான எஸ்பிஐ (SBI) வங்கிக்கு நாடு முழுவதும் 45 கோடிக்கு மேற்பட்ட வாடிக்கையாளர்கள் இருக்கின்றனர். எஸ்பிஐ வங்கி தனது வாடிக்கையாளர்களுக்கு புதுப்புது சேவைகளை அறிமுகப்படுத்தி வருகிறது.

இந்த வரிசையில் தற்போது எஸ்பிஐ வங்கி தனது வாடிக்கையாளர்கள் வாட்சப் (WhatsApp) வழியாக வங்கி சேவைகளை பயன்படுத்துவதற்கான வசதியை அறிமுகப்படுத்த திட்டமிட்டுள்ளது. வாடிக்கையாளர்களுக்கு வாட்சப் வழி வங்கி சேவைகள் அறிமுகப்படுத்தப்படும் என எஸ்பிஐ தலைவர் தினேஷ் குமார் காரா தெரிவித்துள்ளார்.

இதன் மூலம் வாடிக்கையாளர்கள் வாட்சப்பிலேயே எஸ்பிஐ வங்கியின் பல்வேறு சேவைகளை பயன்படுத்தலாம். எனினும், என்னென்ன சேவைகளை வாட்சப்பில் பயன்படுத்தலாம் என்பது பற்றிய விவரங்களை எஸ்பிஐ தலைவர் வெளியிடவில்லை.

Small Saving Schemes: சிறு சேமிப்பு திட்டங்களில் எவ்வளவு லாபம் கிடைக்கும்?
தற்போதைய நிலையில் எஸ்பிஐ கிரெடிட் கார்டு பயன்படுத்துவோருக்கு மட்டுமே வாட்சப்பில் SBI Card Whatsapp connect என்ற பெயரில் சேவைகள் வழங்கப்பட்டு வருகிறது. இதன்படி எஸ்பிஐ கிரெடிட் கார்டு வைத்திருப்போர் வாட்சப் வழியாக ரிவார்டு பாயிண்ட்ஸ், கட்டணம் செலுத்துவது, பேலன்ஸ் உள்ளிட்ட சேவைகளை பயன்படுத்தலாம்.

ஏற்கெனவே எச்டிஎஃப்சி பேங்க், யெஸ் பேங்க், ஐசிஐசிஐ வங்கி, இண்டஸ் இண்ட் வங்கி, பாங்க் ஆஃப் மகாராஷ்டிரா, ஆக்ஸிஸ் பேங்க், ஐடிஎஃப்சி ஃபர்ஸ்ட் பேங்க் ஆகிய வங்கிகள் வாட்சப்பில் வங்கி சேவைகளை வழங்கி வருவது குறிப்பிடத்தக்கது.