எஸ்.பி.ஐ. வங்கியில் ஹோம் லோன்: 100 சதவீதம் கட்டண சலுகை!

இந்த மாதம் இறுதிக்குள் எஸ்.பி.ஐ. வங்கியில் ஹோம் லோன் விண்ணப்பிப்பவர்களுக்கு 100 சதவீத செயலாக்க கட்டணம் சலுகையினை அறிவித்துள்ளது.

இந்தியாவின் மிகப்பெரிய பொதுத்துறை வங்கி நிறுவனம் (ஸ்டேட் பேங்க் ஆஃப் இந்தியா) எஸ்.பி.ஐ. இந்த வங்கியில் தற்போது, வீட்டுக்கடனுக்காக ஆன்லைன் மூலம் விண்ணப்பிக்கும் பயனாளர்களுக்கு 100 சதவீத செயலாக்க கட்டண சலுகையினை கடந்த புதன்கிழமை அன்று அறிவித்துள்ளது. அதுவும் இந்த மாதம் இறுதி வரை தான் காலக்கெடு என்பது குறிப்பிடத்தக்கது. இது குறித்து இந்த வங்கி வெளியிட்டுள்ள அறிவிப்பில் கூறியிருப்பதாவது: எங்களது https://homeloans.sbi today இணையதளத்திற்கு வந்து வீட்டுக் கடனுக்கு விண்ணப்பித்து 100% செயலாக்கக் கட்டண தள்ளுபடியை பெறலாம் என்றும் 30 லட்சம் ரூபாய் வரையிலான கடனுக்கு 8.35 சதவீதம் வட்டி விகித லாபம் அளிக்கப்படும் என்றும் தெரிவித்துள்ளது. கடன் பெறுவோர் கண்டிப்பாக இந்திய குடியுரிமை பெற்றவராக இருக்க வேண்டும். மேலும், வயது வரம்பு 18 முதல் 70 வரை இருக்க வேண்டும் என்பது குறிப்பிடத்தக்கது.