SBI Q4 Results: எஸ்பிஐ லாபம் 83% உயர்வு.. டிவிடெண்ட் எவ்வளவு தெரியுமா?

மார்ச் காலாண்டில் எஸ்பிஐ வங்கியின் லாபம் 83 சதவீதம் உயர்ந்து 16,694 கோடி ரூபாயாக உயர்ந்துள்ளது.

லாபம்:

இந்தியாவின் மிகப்பெரிய வங்கியான எஸ்பிஐ (SBI) தனது மார்ச் காலாண்டு முடிவுகளை வெளியிட்டுள்ளது. அதன்படி, மார்ச் காலாண்டில் எஸ்பிஐ வங்கியின் லாபம் 83.18 சதவீதம் அதிகரித்து 16,694.51 கோடி ரூபாயாக உயர்ந்துள்ளது. கடந்த ஆண்டு மார்ச் காலாண்டில் எஸ்பிஐ 9,113.53 கோடி ரூபாய் லாபம் ஈட்டியது குறிப்பிடத்தக்கது.

நிகர வட்டி வருமானம்:

மார்ச் காலாண்டில் எஸ்பிஐ வங்கியின் நிகர வட்டி வருமானம் (NII) 29.5 சதவீதம் உயர்ந்து 40,392.50 கோடி ரூபாயாக உயர்ந்துள்ளது. கடந்த ஆண்டு மார்ச் காலாண்டில் எஸ்பிஐ வங்கியின் நிகர வட்டி வருமானம் 31,197 கோடி ரூபாயாக இருந்தது.

மார்ச் காலாண்டில் எஸ்பிஐ வங்கியின் லாபம் 65 சதவீதம் முதல் 70 சதவீதத்துக்குள் இருக்கும் என எதிர்பார்க்கப்பட்டது. ஆனால், எதிர்பார்ப்பையும் தாண்டி எஸ்பிஐ வங்கியின் லாபம் 83 சதவீதம் உயர்ந்துள்ளது.

டிவிடெண்ட்:

எஸ்பிஐ வங்கியின் பங்குதாரர்களுக்கு ஒரு பங்குக்கு 11.30 ரூபாய் டிவிடெண்ட் வழங்குவதற்கு எஸ்பிஐ போர்டு ஒப்புதல் அளித்துள்ளது. வரும் ஜூன் 14ஆம் தேதி எஸ்பிஐ பங்குதாரர்களுக்கு ஒவ்வொரு பங்குக்கும் 11.30 ரூபாய் டிவிடெண்ட் செலுத்தப்படும்.

வாராக் கடன்கள்:

எஸ்பிஐ வங்கியின் மொத்த வாராக் கடன் விகிதம் 1.19 சதவீதம் சரிந்து 2.78 சதவீதமாக குறைந்துள்ளது. மேலும் நிகர வாராக் கடன் விகிதம் 0.35 சதவீதம் சரிந்து 0.67 சதவீதமாக குறைந்துள்ளது.

எஸ்பிஐ பங்கு:

இன்று பங்கு வர்த்தகம் முடிவில் எஸ்பிஐ பங்கு விலை 1.70% சரிந்து 576.35 ரூபாயாக குறைந்துள்ளது.