சீனியர் சிட்டிசன்களுக்கு 9% வட்டி இந்த 5 வங்கிகளில் கிடைக்கும்!

சீனியர் சிட்டிசன்கள் பெரும்பாலும் வைப்பு நிதி (FD) திட்டங்களிலேயே முதலீடு செய்து வருகின்றனர். ஏனெனில், FD திட்டங்கள் ரிஸ்க் குறைவானவை. சொல்லப்பட்ட வட்டி விகிதத்தில் நிலையான வருமானம் கிடைக்கும். எனவே காலம் காலமாக FD திட்டங்களில் சீனியர் சிட்டிசன்கள் முதலீடு செய்கின்றனர்.

FD திட்டங்களில் பொது வாடிக்கையாளர்களை விட சீனியர் சிட்டிசன்களுக்கு அதிக வட்டி வழங்கப்பட்டு வருகிறது. எனினும், மிக அதிக வட்டி விகிதம் எந்த வங்கிகளில் கிடைக்கிறது என்பதை பார்த்து அறிந்துகொண்ட பிறகு FD திட்டங்களில் முதலீடு செய்வது அதிக லாபம் தரும்.

அவ்வகையில், தற்போது சீனியர் சிட்டிசன்களுக்கு FD திட்டத்தில் 9 சதவீதம் வட்டி வழங்கும் சில வங்கிகளை பார்க்கலாம்.

Unity Small Finance Bank:

யூனிட்டி ஸ்மால் பைனான்ஸ் வங்கி சீனியர் சிட்டிசன்களுக்கு 1001 நாட்களுக்கு 9.50 சதவீத வட்டி வழங்குகிறது. மேலும் 181 முதல் 201 நாட்களுக்கு 9.25 சதவீத வட்டி வழங்குகிறது.

Fincare Small Finance Bank:

பின்கேர் ஸ்மால் பைனான்ஸ் வங்கி சீனியர் சிட்டிசன்களுக்கு 1000 நாட்களுக்கு 9.01 சதவீத வட்டி வழங்குகிறது.

Jana Small Finance Bank:

ஜனா ஸ்மால் பைனான்ஸ் வங்கி சீனியர் சிட்டிசன்களுக்கு 366 முதல் 499 நாட்களுக்கு 9 சதவீத வட்டி வழங்குகிறது.

Suryoday Small Finance Bank:

சூர்யோதய் ஸ்மால் பைனான்ஸ் வங்கி 999 நாட்களுக்கான FD-க்கு 9.50 சதவீத வட்டி வழங்குகிறது.

Equitas Small Finance Bank:

எக்விட்டாஸ் ஸ்மால் பைனான்ஸ் வங்கி 888 நாட்களுக்கு 9 சதவீத வட்டி வழங்கி வருகிறது.