ஆப்நகரம்

பங்குச்சந்தைகளில் 1% சரிவு

வியாழக்கிழமை முடிவடைந்த இந்திய பங்குச்சந்தைகள் 1% சரிவுடன் உள்ளன. இது கடந்த 3 வாரங்களில் ஏற்பட்ட மிகக்குறைந்தபட்ச சரிவாகும்.

TNN 9 Jun 2016, 5:42 pm
வியாழக்கிழமை முடிவடைந்த இந்திய பங்குச்சந்தைகள் 1% சரிவுடன் உள்ளன. இது கடந்த 3 வாரங்களில் ஏற்பட்ட மிகக்குறைந்தபட்ச சரிவாகும்.
Samayam Tamil sensex ends 257 points lower on weak global cues infosys dips 4
பங்குச்சந்தைகளில் 1% சரிவு


அமெரிக்க மத்திய வங்கிக் கூட்டம் நடைபெற உள்ளது. இதில், வட்டிவிகிதம் உயர்த்தப்படுமா அல்லது குறைக்கப்படுமா என்ற எதிர்பார்ப்பு சர்வதேச முதலீட்டாளர்களிடையே நிலவுகிறது. இதனால், ஆசிய மற்றும் ஐரோப்பிய சந்தைகளில் வர்த்தகம் சரிவுடன் காணப்பட்டது.

உள்நாட்டிலும், ஏப்ரல் மாதத்திற்கான ஆலை உற்பத்தி விவரம் வெளியாக உள்ளது. அத்துடன், அமெரிக்க அரசு ஹெச் 1பி விசாவுக்கான கட்டணத்தை உயர்த்தியதால், சர்வதேச வருமானம் பாதிக்கப்பட வாயப்புள்ளதாக, இன்ஃபோசிஸ் நிறுவனம் தெரிவித்தது. இதையடுத்து, அந்நிறுவனப் பங்குகளை அதிகளவில் முதலீட்டாளர்கள் விற்பனை செய்து, லாபத்தை வெளியே எடுத்தனர். இது சந்தைகளின் வர்த்தகத்தை பாதித்தது.

மும்பை பங்குச்சந்தைப் பட்டியலில் இடம்பெற்றுள்ள 1,332 பங்குகள் விலை குறைந்தும், 1,233 பங்குகள் விலை உயர்ந்தும் இருந்தன. அதிகபட்சமாக, ஐடி நிறுவனப் பங்குகள் 2% விலை சரிவடைந்தன. தொழில்நுட்பம், அன்றாட பயன்பாட்டுப் பொருட்கள், மூலதனச் சாதனம், ஆகிய துறைசார்ந்த பங்குகள் 1.5% விலை குறைந்தன.

வர்த்தக முடிவில், மும்பை பங்குச்சந்தை குறியீடு சென்செக்ஸ் 257 புள்ளிகள் சரிவடைந்து, 26,763 புள்ளிகளாக நிலைபெற்றது. தேசிய பங்குச்சந்தை குறியீடு நிஃப்டி 69 புள்ளிகள் குறைந்து, 8,204 புள்ளிகளாக முடிந்தது. இது 1% சரிவாகும்.

அடுத்த செய்தி

டிரெண்டிங்