சென்செக்ஸ்: ஆட்டம் கண்ட பங்குச் சந்தை!

மும்பை பங்குச் சந்தை குறியீட்டு எண் சென்செக்ஸ் இன்று (டிசம்பர் 3) 40,852.61 புள்ளிகளில் தொடங்கியது. பின்னர் அதிகபட்சமாக 40,885.03 புள்ளிகளாகவும், குறைந்தபட்சமாக 40,554.04 புள்ளிகளாகவும் வர்த்தகமானது. இறுதியில் சென்செக்ஸ் 126.72 புள்ளிகள் வீழ்ச்சியடைந்து 40,675.45 புள்ளிகளில் நிலைபெற்றது. இது 0.31 சதவீதம் வீழ்ச்சியாகும். வங்கித் துறையில் ஏற்பட்ட வீழ்ச்சியின் எதிரொலியாகப் பங்குச் சந்தையில் சரிவு ஏற்பட்டுள்ளது.

இன்றைய பங்கு வர்த்தகத்தில் அதிகபட்சமாக பஜாஜ் ஆட்டோ நிறுவனத்தின் பங்குகள் 3.20 சதவீதம் ஏற்றம் கண்டன. அதன் பங்கு ஒன்றின் விலை ரூ.3,261.35 ஆக இருக்கிறது. அதைத் தொடர்ந்து, டிசிஎஸ் நிறுவனத்தின் பங்குகள் 1.46 சதவீதமும், கோடாக் வங்கியின் பங்குகள் 0.82 சதவீதமும், இன்ஃபோசிஸ் நிறுவனத்தின் பங்குகள் 0.79 சதவீதமும் உயர்ந்துள்ளன.

இன்றைய பங்கு வர்த்தகத்தில் வீழ்ச்சியைச் சந்தித்த நிறுவனங்களில் அதிகபட்சமாக டாடா ஸ்டீல் நிறுவனத்தின் பங்குகள் மிக மோசமாக 5.07 சதவீதம் சரிந்துள்ளன. அதன் பங்கு ஒன்றின் விலை ரூ.399.45 ஆக இருக்கிறது. டாடா மோட்டார்ஸ், வேதாந்தா, மகிந்திரா, இந்தஸ் இந்த் ஆகிய நிறுவனங்களின் பங்குகளும் வீழ்ச்சியைச் சந்தித்துள்ளன.

இன்றைய தினத்தில் தேசியப் பங்குச் சந்தையிலும் வீழ்ச்சி ஏற்பட்டுள்ளது. தேசிய பங்குச் சந்தை குறியீட்டு எண் நிஃப்டி 12,067.65 புள்ளிகளில் தொடங்கியது. பின்னர் நிஃப்டி அதிகபட்சமாக 12,068.60 புள்ளிகளாகவும், குறைந்தபட்சமாக 11,956.40 புள்ளிகளாகவும் இருந்தது. இறுதியில் 54 புள்ளிகள் சரிந்து 11,994.20 புள்ளிகளில் முடிவுற்றது. இது 0.45 சதவீத வீழ்ச்சியாகும்.