9வது முறையாக வர்த்தகம் தொடர் வீழ்ச்சி - டைவ் அடித்து சரிந்த சென்செக்ஸ், நிஃப்டி!

வார வர்த்தகத்தின் முதல் நாளான இன்று, இந்தியப் பங்குச்சந்தை சரிவுடனே காணப்பட்டது. பி.எஸ்.இ சென்செக்ஸ் 372 புள்ளிகளும், என்.எஸ்.இ நிஃப்டி 130 புள்ளிகளும் வீழ்ச்சி கண்டன.

இன்றைய வர்த்தகத்தில் சன் பார்மா 9.39% அளவிற்கு மிகப்பெரிய சரிவை சந்தித்துள்ளது. வர்த்தகத்திற்கு இடையில் சன் பார்மா பங்குகள் 20% அளவிற்கு வீழ்ச்சி அடைந்தன.

இன்றைய வர்த்தகத்தின் முடிவில் 30 ஷேர் பி.எஸ்.இ 372.17 புள்ளிகள் குறைந்து, 37,090.82 புள்ளிகளில் முடிவடைந்தன. வர்த்தகத்திற்கு நடுவே குறைந்தபட்சமாக 36,99.84 புள்ளிகளிலும், அதிகபட்சமாக 37,583.57 புள்ளிகளிலும் வர்த்தகமாகின.

இதேபோல் வர்த்தகத்தின் முடிவில் என்.எஸ்.இ நிஃப்டி 130 புள்ளிகள் சரிந்து, 11,148.20 புள்ளிகளில் நிறைவடைந்தன. வர்த்தகத்திற்கு இடையில் குறைந்தபட்சமாக 11,125.60 புள்ளிகளிலும், அதிகபட்சமாக 11,300.20 புள்ளிகளிலும் வர்த்தகமாகின.

ஐடிசி பங்குகள் 2.64% சரிந்தன. இந்நிறுவனம் 18.72% அதிகரித்து, ரூ.3,481.9 கோடி லாபம் ஈட்டியதாக சமீபத்தில் அறிவித்தது.