தங்கப் பத்திரம் விற்பனை.. விலை இதுதான்.. தள்ளுபடியும் கிடைக்கும்!

இந்நிலையில், தங்கப் பத்திரங்களின் அடுத்த தொகுப்பு விற்பனை நாளை (மார்ச் 6) தொடங்குவதாக ரிசர்வ் வங்கி தெரிவித்துள்ளது. வரும் மார்ச் 10ஆம் தேதி வரை தங்கப் பத்திரங்கள் விற்பனை தொடர்ந்து நடைபெறும் எனவும் ரிசர்வ் வங்கி தெரிவித்துள்ளது.

இந்த முறை தங்கப் பத்திரங்களுக்கு ஒரு கிராம் 5611 ரூபாய் என விலை நிர்ணயம் செய்யப்பட்டுள்ளது. முதலீட்டாளர்கள் குறைந்தபட்சம் ஒரு கிராமுக்கு தங்கப் பத்திரம் வாங்க வேண்டும். அதிகபட்சமாக 4 கிலோ வரை வாங்கலாம்.

தங்கப் பத்திரங்களை டிஜிட்டல் முறையில் வாங்கினால் கிராமுக்கு 50 ரூபாய் தள்ளுபடி கிடைக்கும். அதாவது, டிஜிட்டல் முறையில் தங்கப் பத்திரங்களை ஒரு கிராம் 5561 ரூபாய் என்ற விலைக்கு வாங்க முடியும்.

வங்கிகள், தபால் அலுவலகங்கள் வாயிலாக தங்கப் பத்திரங்களை வாங்கலாம். இதுபோக பங்குச் சந்தைகளிலும் தங்கப் பத்திரத்தை வாங்கலாம்.

தங்கப் பத்திரத்தில் நீங்கள் முதலீடு செய்தால், தங்கம் மதிப்பு உயர உயர உங்கள் முதலீடும் உயரும். இதுமட்டுமல்லாமல், ஆண்டுக்கு 2.5% வட்டி வருமானமும் கிடைக்கும்.