36000 அடி உயரத்தில் ஷாப்பிங் பண்ணலாம்.. நடுவானில் ஒரு ஷாப்பிங் மால்!

36,000 அடி உயரத்தில் வானில் பறந்துகொண்டிருக்கும்போதே ஷாப்பிங் செய்வதற்கான திட்டத்தை ஸ்பைஸ்ஜெட் (SpiceJet) நிறுவனம் அறிமுகப்படுத்தியுள்ளது. இதற்கு ஸ்கை மால் (Sky Mall) என பெயர் சூட்டியுள்ளது ஸ்பைஸ்ஜெட் நிறுவனம்.

இதன்படி, ஸ்பைஸ்ஜெட் விமானத்தில் வானில் பறந்துகொண்டிருக்கும்போதே பயணிகள் மிக எளிதாக ஷாப்பிங் செய்யலாம். இதற்காக ஸ்னாப்டீல் (Snapdeal) நிறுவனத்துடன் ஸ்பைஸ்ஜெட் இணைந்துள்ளது.

இத்திட்டத்தின்படி, ஸ்பைஸ்ஜெட் விமானங்களில் ஸ்னாப்டீல் நிறுவனம் ஆடைகள், நகைகள், எலெக்ட்ரானிக்ஸ், காஸ்மெட்டிக்ஸ் உள்ளிட்ட பல்வேறு பொருட்களை விற்பனை செய்யவுள்ளது. இதற்கு சிறப்பு சலுகைகளையும் ஸ்னாப்டீல் வழங்குகிறது.

இனி வாட்சப்பில் கடன் வாங்கலாம்.. அதுவும் 30 நொடிகளில்!
ஸ்பைஸ்ஜெட் நிறுவனத்தின் எல்லா உள்நாட்டு விமானங்களிலும் பயணிகள் ஆடைகள், ஃபேஷன் பொருட்கள், ஹெட்போன்கள், மொபைல் உபகரணங்கள் உள்ளிட்ட பல்வேறு பொருட்களை ஆர்டர் செய்யலாம். விமானம் தரையிறங்கும்போது ஆர்டர்கள் உறுதிசெய்யப்படும்.

ஆர்டர் செய்யப்பட்ட பொருட்கள் இந்தியா முழுவதும் வீட்டுக்கே நேரடியாக டெலிவரி செய்யப்படும் எனவும் தெரிவிக்கப்பட்டுள்ளது. இத்திட்டத்தால் பயணிகளுக்கு புதிய அனுபவம் கிடைக்கும் என ஸ்பைஸ்ஜெட் நிறுவனமும், ஸ்னாப்டீல் நிறுவனமும் நம்பிக்கை தெரிவித்துள்ளன.