ஆதார் கார்டில் பழைய போட்டோவை மாற்றுவது எப்படி?

ஆதார் கார்டு என்பது இந்தியர்களின் மிக முக்கியமான ஆவணங்களில் ஒன்றாகும். ஆதார் அட்டை பிரதானமான அடையாள அட்டையாகப் பயன்படுத்தப்படுகிறது. அரசின் பல்வேறு நலத் திட்ட உதவிகளைப் பெற ஆதார் அட்டை கட்டாயமாக்கப்பட்டுள்ளது. ஆதார் அட்டையில் 12 இலக்க எண் இருக்கும். இதனுடன், ஆதார் அட்டை வைத்திருப்பவரின் புகைப்படம் மற்றும் அவர்களின் முகவரியும் இடம்பெற்றிருக்கும்.

பெரும்பாலும் ஆதார் கார்டில் உள்ள புகைப்படம் பழையதாகவும், அடையாளம் காணமுடியாத அளவிலும் இருக்கும். அது சிலருக்கு பிடிக்காமலும் போகலாம். சிலர் தங்களுடைய புகைப்படத்தை மாற்ற வேண்டும் என்று நினைப்பார்கள். அப்படி உங்களுடைய ஆதார் புகைப்படம் சரியாக இல்லை என்றால் நீங்கள் அதை மாற்றிக் கொள்ளலாம். அது சுலபமான காரியம்தான். ஆதாரில் புகைப்படம் மாற்றுவதற்கு ஆதார் அட்டை புதுப்பிக்கப்பட வேண்டும்.

ஆதார் அமைப்பின் uidai.gov.in என்ற வெப்சைட்டில் செல்லவும். https://uidai.gov.in/


இப்போது 'Update Aadhaar' விருப்பத்தை கிளிக் செய்யவும்.

ஆதார் பதிவு படிவத்தை பதிவிறக்கம் செய்து தேவையான விவரங்களை நிரப்பவும்.

அடுத்ததாக, அருகிலுள்ள ஆதார் சேவை மையத்தில் படிவத்தை சமர்ப்பிக்கவும்.

ஆதார் ஊழியர் அனைத்து விவரங்களையும் பயோமெட்ரிக் சரிபார்ப்பு மூலம் சரிபார்ப்பார்.

ஆதார் அட்டையில் உங்களுடைய தற்போதைய போட்டோவை எடுத்து அது ஆதார் கார்டில் அப்டேட் செய்யப்படும்.

இதற்காக 100 ரூபாய் கட்டணம் மற்றும் ஜிஎஸ்டி செலுத்த வேண்டும்.

ஆதார் ஊழியர் உங்களுக்கு ஒப்புகை சீட்டு மற்றும் புதுப்பிப்பு கோரிக்கை எண்ணை (URN) வழங்குவார்.

அப்டேட் செய்தவுடன் உங்களுடைய போட்டோ 90 நாட்களில் புதுப்பிக்கப்படும்.

உங்கள் விண்ணப்பத்தை ஆன்லைனிலேயே கண்காணிக்கலாம். UIDAI வெப்சைட்டில் URN எண்ணைப் பயன்படுத்தி புதிய ஆதார் அட்டையின் நிலையைப் பார்க்கலாம்.