நுகர்வோர் விலைப் பட்டியல்.. டாப் லிஸ்ட்டில் தமிழகம்!

அனைத்திந்திய நுகர்வோர் விலைக் குறியீடு தொடர்பான ஜனவரி மாதத்துக்கான பட்டியலை மத்திய தொழிலாளர் மற்றும் வேலைவாய்ப்பு அமைச்சகம் வெளியிட்டுள்ளது. அதில், வேளாண் தொழிலாளர்களுக்கான நுகர்வோர் விலைக் குறியீடு 2 சதவீதமும், கிராமப்புற தொழிலாளர்களுக்கான நுகர்வோர் விலைக் குறியீடு 1 சதவீதமும் வீழ்ச்சியடைந்திருப்பது தெரியவந்துள்ளது.

பருப்பு, மீன், வெங்காயம், காய்கறிகள், பழங்கள் ஆகியவற்றின் விலைவாசி வீழ்ச்சியால்தான் ஒட்டுமொத்தமாக வேளாண் தொழிலாளர்களுக்கான நுகர்வோர் விலைக் குறியீடு 2022 ஜனவரி மாதத்தில் வீழ்ச்சியடைந்துள்ளது. வேளாண் தொழிலாளர்களுக்கான நுகர்வோர் விலைக் குறியீடு 1095 ஆகவும், கிராமப்புற தொழிலாளர்களுக்கான நுகர்வோர் விலைக் குறியீடு 1105 ஆகவும் பதிவாகியுள்ளது.

மாநில வாரியாகப் பார்த்தால் தமிழகம்தான் இப்பட்டியலில் முதலிடம் பிடித்துள்ளது. ஊரகத் தொழிலாளர்களுக்கான நுகர்வோர் விலைக் குறியீட்டு பட்டியலில் தமிழகம் 1278 புள்ளிகளைக் கொண்டுள்ளது. கடைசி இடத்தில் இமாசலப் பிரதேசம் (917 புள்ளிகள்) உள்ளது.

தொழில் செய்யணுமா? தமிழ்நாடுதான் தாய் நாடு!
விவசாயம் மற்றும் கிராமப்புறத் தொழிலாளர்களுக்கான நுகர்வோர் விலைக் குறியீட்டு எண்களில் அதிகபட்ச சரிவு உத்தரப் பிரதேச மாநிலத்தில்தான் ஏற்பட்டுள்ளது. காய்கறிகள் மற்றும் பழங்கள் உள்ளிட்டவற்றின் விலை வீழ்ச்சியால் இச்சரிவை உத்தரப் பிரதேசம் சந்தித்துள்ளது. ராஜஸ்தான், ஜம்மு காஷ்மீர், இமாசலப் பிரதேசம் உள்ளிட்ட மாநிலங்களில் அரிசி, சோளம், ஆட்டுக்கறி உள்ளிட்ட காய்கறிகளின் விலை உயர்வால் வேளாண் மற்றும் கிராமப்புற தொழிலாளர்களுக்கான நுகர்வோர் விலைக் குறியீடு எண் உயர்வைச் சந்தித்துள்ளது.