தமிழ்நாட்டில்தான் குறைவான பணவீக்கம்.. மத்திய அரசு தகவல்!

கடந்த சில மாதங்களாக பணவீக்கம் மிக கடுமையான நெருக்கடியை பொதுமக்களுக்கு ஏற்படுத்தி வருகிறது. ஒவ்வொரு மாதமும் பணவீக்கம் தொடர்ந்து உயர்ந்துகொண்டே செல்கிறது. அத்தியாவசிய பொருட்களின் விலை உயர்வால் சுமை அதிகரித்துள்ளது.

இந்நிலையில், ஏப்ரல் மாதத்தில் மாநில வாரியாக பணவீக்க நிலவரம் குறித்து தேசிய புள்ளியியல் அலுவலகம் (NSO) வெளியிட்டுள்ளது. இதில், இந்தியாவிலேயே மிக குறைவான பணவீக்கம் கொண்ட மாநிலங்களில் தமிழ்நாடு, கேரளம் ஆகிய இரண்டு மாநிலங்கள் மட்டுமே இடம்பெற்றுள்ளன.

குறைவான பணவீக்கம் கொண்ட மாநிலங்களை பொறுத்தவரை தமிழ்நாட்டில் பணவீக்கம் 5.4% ஆகவும், கேரளாவில் 5.1% ஆகவும் உள்ளது. மிக அதிக பணவீக்கம் கொண்ட மாநிலங்களாக மேற்கு வங்கம், மத்திய பிரதேசம் ஆகிய இரு மாநிலங்களும் முதலிடத்தில் உள்ளன.

இனி தங்கத்தில்தான் சம்பளம் கொடுப்போம்.. திடீர் முடிவெடுத்த நிறுவனம்!
ஏப்ரல் மாதத்தில் நான்கு மாநிலங்களில் 9% மேல் பணவீக்கம் அதிகரித்துள்ளது.மேற்கு வங்கத்தில் 9.1%, மத்திய பிரதேசத்தில் 9.1%, ஹரியானாவில் 9.0%, தெலங்கானாவில் 9.0% என பணவீக்கம் பதிவாகியுள்ளது.

அடுத்தபடியாக 9% கீழ் பணவீக்கம் கொண்ட மாநிலங்களில் மகாராஷ்டிராவில் 8.8%, அசாமில் 8.5%, உத்தரப் பிரதேசத்தில் 8.5%, குஜராத்தில் 8.2%, ஒடிசாவில் 8.1%, ஜம்மூ காஷ்மீரில் 8% என பணவீக்கம் பதிவாகியுள்ளது.