வாழ்நாள் சான்றிதழ்
ஒவ்வொரு ஓய்வூதியதாரரும் ஆண்டுக்கு ஒரு முறை வாழ்நாள் சான்றிதழை (life certificate) சமர்ப்பிக்க வேண்டும். ஒரு ஓய்வூதியதாரர் உயிருடன் இருக்கிறார் என்பதற்கான சான்றுதான் வாழ்நாள் சான்று. இதை சமர்ப்பித்தால் மட்டுமே தொடர்ந்து பென்சன் கிடைக்கும்.
கொரோனா காலத்தில் விலக்கு
கொரோனா நெருக்கடி காலத்தில் ஓய்வூதியதாரர்களின் நலன் கருதி 2020, 2021 ஆண்டுகளுக்கு வாழ்நாள் சான்றிதழ் பெறுவதை தமிழ்நாடு அரசு நிறுத்திவைத்திருந்தது.
இந்த ஆண்டுக்கு
இதையடுத்து 2022ஆம் ஆண்டுக்கு வாழ்நாள் சான்றிதழை செப்டம்பர் மாதத்துக்குள் சமர்ப்பிக்க வேண்டும் என் ஓய்வூதியதாரர்கள் மற்றும் குடும்ப ஓய்வூதியதாரர்களுக்கு தமிழ்நாடு அரசு அறிவுறுத்தியுள்ளது. மேலும், வீட்டில் இருந்தபடியே எப்படி வாழ்நாள் சான்றிதழை சமர்ப்பிப்பது என்பது பற்றி தமிழ்நாடு அரசு வீடியோவும் வெளியிட்டுள்ளது.
தபால் துறை வங்கி
இந்திய தபால் துறை வங்கி (India post payments bank) சேவையை பயன்படுத்தி ஓய்வூதியதாரர்கள் வீட்டில் இருந்தபடியே தபால் துறை பணியாளர்கள் மூலமாக 70 ரூபாய் கட்டணம் செலுத்தி வாழ்நாள் சான்றிதழை (life certificate) சமர்ப்பிக்கலாம்.
இ-சேவை மையம்
இ-சேவை மையங்களிலும் உரிய கட்டணம் செலுத்தி ஓய்வூதியதாரர்கள் வாழ்நாள் சான்றிதழ் சமர்ப்பிக்கலாம்.
ஜீவன் பிரமான் ஆப்
ஓய்வூதியதாரர்கள் மொபைலில் ஜீவன் பிரமான் முகம் பதிவு செயலியை (jeevan pramaan face app) பயன்படுத்தி வீட்டில் இருந்தபடியே டிஜிட்டல் வாழ்ல்நாள் சான்றிதழை (digital life certificate) சமர்ப்பிக்கலாம்.
டிஜிட்டல் வாழ்நாள் சான்றிதழ் பெற
டிஜிட்டல் வாழ்நாள் சான்றிதழ் பெறுவதற்கு தேவையான விவரங்கள்
- ஆதார் எண்
- PPO எண்
- வங்கிக் கணக்கு எண்
- ஓய்வூதியம் வழங்கும் அலுவலகம்
தபால் அலுவலகம்
ஓய்வூதியதாரர்களும், குடும்ப ஓய்வூதியதாரர்களும் வாழ்நாள் சான்றிதழை https://www.tn.gov.in/karuvoolam/ இணையதளத்தில் இருந்து பதிவிறக்கம் செய்து கீழ்கண்ட ஏதேனும் ஒரு அலுவலரிடம் கையொப்பம் பெற்று தபால் மூலமாக தொடர்புடைய கருவூலத்திற்கு அனுப்பலாம்.
- ஓய்வூதிய வங்கிக் கணக்கு உள்ள வங்கியின் கிளை மேலாளர் (அல்லது)
- அரசிதழ் பதிவு பெற்ற மாநில மற்றும் மத்திய அரசு அலுவலர் (அல்லது)
- வட்டாட்சியர்/துணை வட்டாட்சியர் அல்லது வருவாய் ஆய்வாளர் அவர்களிடம் சான்றொப்பம் பெற்று அனுப்ப வேண்டும்.