Tamilnadu Tourism: சுற்றுலாவில் தமிழ்நாடு முதலிடம்.. மத்திய அரசு தகவல்!

சுற்றுலா பயணிகள் வருகை அடிப்படையில் இந்தியாவிலேயே சுற்றுலாவில் தமிழகம் முதலிடத்தை பிடித்துள்ளது. 2020ஆம் ஆண்டில் இந்தியாவிலேயே தமிழகத்துக்குதான் அதிகளவிலான சுற்றுலா பயணிகள் வந்துள்ளனர்.

மத்திய சுற்றுலாத் துறை அமைச்சகம் 2021 இந்திய சுற்றுலா புள்ளிவிவர அறிக்கையை வெளியிட்டுள்ளது. அதன்படி, 2020ஆம் ஆண்டில் இந்தியாவுக்கு வந்த மொத்த சுற்றுலா பயணிகளில் 22.9% பேர் தமிழ்நாட்டுக்கு வந்துள்ளனர்.

இதுமட்டுமல்லாமல், உள்நாட்டு சுற்றுலா பயணிகள் வருகையிலும் தமிழ்நாடு முதலிடத்தை பிடித்துள்ளது. 2020ஆம் ஆண்டில் மட்டும் உள்நாட்டு சுற்றுலா பயணிகள் 14 கோடி பேர் தமிழ்நாட்டுக்கு வந்துள்ளனர்.

பெட்ரோல் விலை பயங்கர உயர்வு.. மானியம் ரத்து.. திணறும் பாகிஸ்தான்!
வெளிநாட்டு சுற்றுலா பயணிகள் வருகையை பொறுத்தவரை மகாராஷ்டிரா முதலிடத்திலும், தமிழ்நாடு இரண்டாம் இடத்திலும் உள்ளது. எனினும், மகாராஷ்டிராவுக்கும், தமிழ்நாடுக்கும் இடையே சிறிய வேறுபாடுதான் உள்ளது.

வெளிநாட்டு சுற்றுலா பயணிகள் மகாராஷ்டிராவுக்கு 16.2 லட்சம் பேரும், தமிழ்நாட்டுக்கு 12.3 லட்சம் பேரும் வந்துள்ளனர். இந்தியாவுக்கு வரும் வெளிநாட்டு பயணிகளில் அதிகளவிலானவர்கள் வங்கதேசம், அமெரிக்கா, இங்கிலாந்து ஆகிய நாடுகளில் இருந்து வந்துள்ளனர்.

மேலும், இந்தியாவுக்கு வந்த வெளிநாட்டு பயணிகளில் 6.6% பேர் சென்னை விமான நிலையம் வாயிலாக வந்துள்ளனர். ஒட்டுமொத்த வெளிநாட்டு பயணிகளில் இலங்கையை சேர்ந்த 52% பேர், சிங்கப்பூரை சேர்ந்த 22.5% பேர், மலேசியாவை சேர்ந்த 20.4% பேர், பிரான்ஸை சேர்ந்த 16.8% பேர், தென் கொரியாவை சேர்ந்த 16.8% பேர் சென்னையை வாயிலாக இந்தியாவுக்குள் நுழைய விருப்பம் தெரிவித்துள்ளனர்.