1705 ரூபாயில் விமான டிக்கெட்.. குடியரசு தினத்துக்கு ஏர் இந்தியாவின் சூப்பர் ஆஃபர்!

வரும் ஜனவரி 26ஆம் தேதி இந்தியாவின் 74ஆவது குடியரசு தினம் கொண்டாடப்பட இருக்கிறது. இதை முன்னிட்டு ஏர் இந்தியா (Air India) நிறுவனம் சிறப்பு விமான டிக்கெட் சலுகையை அறிவித்துள்ளது. இதன்படி, உள்நாட்டு விமானங்களில் சலுகை விலையில் விமான டிக்கெட் முன்பதிவு செய்துகொள்ளலாம்.

இந்த சிறப்பு விமான டிக்கெட் விற்பனை ஜனவரி 21ஆம் தேதி தொடங்கியுள்ளது. ஜனவரி 23ஆம் தேதியுடன் சிறப்பு விற்பனை முடிவுக்கு வருகிறது. ஏர் இந்தியா இணையதளம், மொபைல் ஆப், ஏஜெண்டுகள், விமான நிலையங்களில் உள்ள விற்பனை கவுண்ட்டர் ஆகிய வழிகளில் தள்ளுபடி விலையில் விமான டிக்கெட் முன்பதிவு செய்துகொள்ளலாம்.

விமானத்தில் எகானமி வகுப்புக்கு (Economy class) மட்டுமே இந்த தள்ளுபடி பொருந்தும். பிப்ரவரி 1ஆம் தேதி முதல் செப்டம்பர் 30 வரையிலான காலகட்டத்துக்கு உங்கள் விருப்பம்போல் விமான டிக்கெட்டுகளை முன்பதிவு செய்துகொள்ளலாம்.

சுந்தர் பிச்சையே சொல்லிட்டாராம்.. கூகுள் ஆட்குறைப்புக்கு காரணம் இதுதான்!
இந்த சிறப்பு தள்ளுபடியில் 1705 ரூபாய் முதல் விமான டிக்கெட்டுகளின் விலை தொடங்குகின்றது. உள்நாட்டில் 49 இடங்களுக்கு இந்த சலுகையில் விமான டிக்கெட் முன்பதிவு செய்ய முடியும்.

தள்ளுபடி விமான டிக்கெட் கட்டணங்கள்

சென்னை - டெல்லி : 5985 ரூபாய்

டெல்லி - மும்பை : 5075 ரூபாய்

பெங்களூரு - மும்பை : 2319 ரூபாய்

டெல்லி - உதய்பூர் : 3680 ரூபாய்

டெல்லி - கோவா : 5656 ரூபாய்

டெல்லி - போர்ட் பிளேர் : 8690 ரூபாய்

டெல்லி - ஸ்ரீநகர் : 3730 ரூபாய்

அகமதாபாத் - மும்பை : 1806 ரூபாய்

கோவா - மும்பை : 2830 ரூபாய்

திமாபூர் - கவுகாத்தி : 1783 ரூபாய்