ஆப்நகரம்

கார் வாங்கினால் ரூ.80,000 வரை தள்ளுபடி!

வாடிக்கையாளர்களுக்கு சிறப்புச் சலுகையாக ரூ.80,000 வரை தள்ளுபடி வழங்குவதாக டாடா மோட்டார்ஸ் நிறுவனம் அறிவித்துள்ளது.

Samayam Tamil 11 Jul 2020, 8:09 pm
இந்தியாவில் கடந்த நான்கு மாதங்களுக்கும் மேலாகவே கொரோனா வைரஸ் பாதிப்பு மோசமாக இருக்கிறது. அனைத்துத் துறைகளிலும் நிதி நெருக்கடி ஏற்பட்டு வருவாய் இழப்புகள் அதிகரித்துள்ளன. இதனால் உணவு, மருந்து உள்ளிட்ட அத்தியாவசியத் தேவைகளுக்கு மட்டுமே மக்கள் செலவிட்டனர். இதனால், வாகனங்கள், புதிய வீடுகள், நகை போன்றவற்றில் செலவிடத் தயக்கம் காட்டினர். தற்போது ஊரடங்கு தளர்ந்து தொழில் நடவடிக்கைகள் சூடுபிடித்துள்ளதால் மக்களிடையே பணப்புழக்கம் அதிகரிக்கத் தொடங்கியுள்ளது. இதுபோன்ற சூழலில் ஆட்டோமொபைல் நிறுவனங்கள் தங்களது வாகன விற்பனையை மேம்படுத்தும் நோக்கத்தில் வாடிக்கையாளர்களுக்கு சலுகை அறிவிக்கத் தொடங்கியுள்ளன.
Samayam Tamil tata


டாடா மோட்டார்ஸ் நிறுவனம் தனது வாடிக்கையாளர்களுக்கு சிறப்புச் சலுகை ஒன்றை அறிவித்துள்ளது. டாடா மோட்டார்ஸின் அனைத்து கார்களுக்கும் தள்ளுபடி மற்றும் எக்சேஞ் போனஸ் உள்ளிட்ட சலுகை அறிவிக்கப்பட்டுள்ளது. பிஎஸ் 5 எஞ்சின்களுக்குத் தரம் உயர்த்தப்பட்டுள்ள ஹேரியர், நெக்ஷான், டைகார், டியாகோ உள்ளிட்ட கார்களுக்கு ரூ.80,000 வரையில் சலுகை கிடைக்கிறது. டாடா ஹேரியர் காருக்கு ரொக்கத் தள்ளுபடியாக ரூ.25,000, எக்சேஞ் போனஸ் ரூ.40,000, கார்பரேட் தள்ளுபடிச் சலுகையாக ரூ.15,000 என மொத்தம் ரூ.80,000 வரையில் சலுகை கிடைக்கிறது.

கொரோனாவால் இந்தியாவுக்கு பெரிய தலைவலி: ஆர்பிஐ!

டாடா நெக்ஷான் காருக்கு ரூ.10,000 வரையிலும், டாடா டைகார் காருக்கு ரூ.50,000 வரையிலும், டாடா டியாகோ காருக்கு ரூ.35,000 வரையிலும் சலுகை வழங்கப்படும் என்று அறிவிக்கப்பட்டுள்ளது. டாடா மோட்டார்ஸ் நிறுவனத்தைத் தொடர்ந்து மற்ற ஆட்டோமொபைல் நிறுவனங்களும் சிறப்புச் சலுகைகளை அறிவித்து வாடிக்கையாளர்களை ஈர்க்க முயற்சிக்கும் என்று எதிர்பார்க்கப்படுகிறது. ஏப்ரல், மே மாதங்களில் ஊரடங்கு உத்தரவால் ஒரு காரைக் கூட விற்பனை செய்யமுடியாமல் ஆட்டோமொபைல் நிறுவனங்கள் திணறின. தற்போது இயல்பு நிலை திரும்பி வரும் சூழலில் வாகன விற்பனையை அதிகரிக்க ஆட்டோமொபைல் நிறுவனங்களுக்கு வாய்ப்பு ஏற்பட்டுள்ளது.

அடுத்த செய்தி

டிரெண்டிங்