இன்ஃபோசிஸ், விப்ரோ, டிசிஎஸ் ஊழியர்களுக்கு.. அடுத்த வருஷம்வரை சம்பளம் கட் இருக்கும்!

இந்தியாவின் அனைத்து ஐடி நிறுவனங்களும் அதன் ஊழியர்களுக்கு அடுத்த ஆண்டு வரை சம்பள உயர்வு, பே அவுட், variyable pay போன்றவற்றை தொடர்ந்து குறைக்க வாய்ப்புள்ளது என HR firm associate இன் தலைவர் ஸ்ரீராம் வெங்கட் கூறியுள்ளார்.

அதுமட்டுமின்றி கல்லூரி மாணவர்களை பணியமர்த்துதல், சீனியர் ஊழியர்களுக்கான புரமோஷன்களும் படிப்படியாக குறையும் எனவும் தெரிவித்துள்ளார்.

ஐடி நிறுவனங்களின் மூன்றாம் காலாண்டு முடிவுகள் எதிர்பார்த்த அளவு இல்லாததாலும், தொடரும் பொருளாதார மந்தநிலை, பணவிக்கம் காரணமாக நான்காம் காலாண்டிலும் முடிவுகள் பெரிய மாற்றங்களை எத்ரிபார்க்க முடியாது எனவும் வெங்கட் கூறியுள்ளார்.

Quess IT Staffing இன் CEO விஜய் சிவராம் கருத்துப்படி, புதிய பணியாளர்கள் ஆன்போர்டிங்கில் தாமதாம் ஏற்பட வாய்ப்புள்ளது எனவும், அதனால் வேலைக்கு தேர்வாகி நிறுவனத்தின் சேர தயாராக இருக்கும் மாணவர்களுக்கான பணியமர்த்துதல் இன்னும் காலதாமதம் ஆகலாம் என சிவராம் தெரிவித்துள்ளார்.

கோவிட்-19 தொற்று எல்லாம் விலகி, இன்று பொருளாதார மந்தநிலை, பணவீக்கம் போன்ற காரணங்களால் அதிகப்படியான வேலை பறிப்புகளுக்கும் ஆளானதும் ஐடி ஊழியர்கள்தான்.

இந்நிலையில் பணிநீக்கம் அறிவிப்புகளே இன்னும் முடியாத நிலையில் ஐடி ஊழியர்களுக்கான சம்பள உயர்வு விகிதம் என்றும் இல்லாத அளவிற்கு குறையும் என Delotte India's India Talent Outlook 2023 இன் அறிக்கையில் தெரிவிக்கப்பட்டுள்ளது.

ஐடி ஊழியர்கள் சம்பள உயர்வு கடந்த ஆண்டின் 9.4 சதவீதத்திலிருந்து IT பிரிவில் 9.1 சதவீத ஆக குறைய வாய்ப்புள்ளதாக டெலாய்ட் இந்தியா ஆய்வறிக்கைகள் கூறுகின்றனர். ஐடி துறை மட்டுமின்றி இ-காமர்ஸ் நிறுவன ஊழியர்களுக்கும் சம்பள உயர்வு விகிதம் குறையலாம் என அறிக்கை குறிப்பிட்டுள்ளது.

25 துறைகளில் உள்ள 300 நிறுவனங்களின் மனிதவளத் தலைவர்களிடம் இருந்து பெரும்பாலும் தரவுகளை சேகரித்த டெலாய்ட் ஆய்வின்படி, 2023 ஆம் ஆண்டில் லைஃப் சயின்ஸ் மற்றும் உற்பத்தித் துறைகள் மிக உயர்ந்த சம்பள உயர்வை (9.5%) காணும் என தெரிவித்துள்ளது.

இன்னும் பொருளாதார மந்தநிலை எவ்வளவு காலம் நீடிக்கும் என தெரியாத நிலையிலும், ரிசர்வ் வங்கியின் தொடர் ரெப்போ வட்டி விகிதங்கள், பொருளாதார மந்தநிலை அச்சம், பிரபல நிறுவனங்கள் தொடர் பணிநீக்கங்களுக்கு மத்தியில் ஐடி துறையினர் சம்பள உயர்வு குறித்த இந்த அறிக்கை ஐடி ஊழியர்களுக்கு ஒரு மோசமான செய்தி எனவே கூறலாம்.