TCS variable pay: டிசிஎஸ் ஊழியர்களுக்கு ஹேப்பி நியூஸ்.. 100% வேரியபிள் பே கிடைக்கும்!

இந்தியாவின் மிகப்பெரிய ஐடி நிறுவனமான டிசிஎஸ் (TCS) நேற்று முன் தினம் தனது பங்குதாரர்களுக்கு மகிழ்ச்சியான செய்தியை வெளியிட்டிருந்தது. அதாவது, டிசிஎஸ் நிறுவனம் கடந்த டிசம்பர் காலாண்டில் 10,846 கோடி ரூபாய் லாபம் ஈட்டியுள்ளது. இது 11% வளர்ச்சி ஆகும்.

இதுமட்டுமல்லாமல் தனது பங்குதாரர்களுக்கு டிவிடெண்ட் பற்றிய அறிவிப்பையும் டிசிஎஸ் வெளியிடுள்ளது. இதன்படி டிசிஎஸ் நிறுவனம் தனது பங்குதாரர்களுக்கு ஒவ்வொரு பங்குக்கும் 8 ரூபாய் இடைக்கால டிவிடெண்ட் வழங்குவதாக தெரிவித்துள்ளது.

மேலும் சிறப்பு டிவிடெண்ட் தொகையாக ஒவ்வொரு பங்குக்கும் 67 ரூபாய் வழங்குவதாக தெரிவித்துள்ளது. இதனால் டிசிஎஸ் பங்குதாரர்கள் அனைவருக்கும் ஒவ்வொரு பங்குக்கும் மொத்தமாக 75 ரூபாய் டிவிடெண்ட் கிடைக்கும். டிவிடெண்ட் தொகைக்கான Record date ஜனவரி 17 ஆகும். அதாவது ஜனவரி 17ஆம் தேதி டிசிஎஸ் பங்கு வைத்திருக்கும் அனைவருக்கும் 75 ரூபாய் டிவிடெண்ட் கிடைக்கும்.

TCS Dividend: செம குஷியில் டிசிஎஸ் பங்குதாரர்கள்.. டிவிடெண்ட் எவ்வளவு தெரியுமா?
அடுத்த மகிழ்ச்சி செய்தி

டிசிஎஸ் பங்குதாரர்களை அடுத்து டிசிஎஸ் ஊழியர்களுக்கும் ஒரு மகிழ்ச்சியான தகவல் வெளியாகியுள்ளது. அதாவது, பெரும்பாலான ஊழியர்களுக்கு 100% வேரியபிள் பே (Variable Pay) தொகையை செலுத்த டிசிஎஸ் நிறுவனம் முடிவு செய்துள்ளது.

இதுகுறித்து டிசிஎஸ் மனிதவள துறை தலைவர் மிலிண்ட் லக்காட், “C2 மற்றும் அதற்கு நிகரான அளவு வரை உள்ள ஊழியர்கள் அனைவருக்கும் 100% வேரியபிள் பே தொகை வழங்குவதற்கு முடிவு எடுக்கப்பட்டுள்ளது” என்று தெரிவித்துள்ளார். எனினும், மற்ற ஊழியர்களுக்கு அவர்களின் பர்ஃபார்மன்ஸ் அடிப்படையில் வேரியபிள் பே செலுத்தப்படும்.