Elon Musk: ரகசியமா அக்கவுண்ட் வச்சிருக்கேன்.. உண்மையை போட்டுடைத்த எலான் மஸ்க்

உலகின் மிகப்பெரிய பணக்காரரான எலான் மஸ்க் சமூக வலைதளமான ட்விட்டரில் மிக ஆக்டிவாக இருந்து வருகிறார். மேலும், ட்விட்டர் நிறுவனத்தையே அவர் விலைக்கு வாங்க முயற்சித்து வருவதும் குறிப்பிடத்தக்கது.

ட்விட்டர் நிறுவனத்தில் எலான் மஸ்க் ஏற்கெனவே 9.2% பங்குகளை வாங்கியுள்ளார். இதையடுத்து மொத்த ட்விட்டர் நிறுவனத்தையும் விலைக்கு வாங்குவதற்கு எலான் மஸ்க் டீலை முடித்துள்ளார். எனினும் தற்காலிகமாக டீல் நிறுத்திவைக்கப்பட்டுள்ளது.

இந்நிலையில், மற்றொரு சமூக வலைதளமான இன்ஸ்டகிராமில் யாருக்கும் தெரியாத ரகசியமான அக்கவுண்ட் வைத்திருப்பதாக எலான் மஸ்க் தெரிவித்துள்ளார். தனது நண்பர்கள் அனுப்பும் இணைப்புகளை கிளிக் செய்வதற்கு அந்த அக்கவுண்ட்டை பயன்படுத்துவதாகவும் எலான் மஸ்க் வெளிப்படையாக தெரிவித்துள்ளார்.

பெட்ரோல் விலை 420 ரூபாய்.. இலங்கை மக்களுக்கு அதிர்ச்சி!
இந்தியாவை சேர்ந்த பிரணய் பத்தோல் என்ற ஐடி ஊழியருக்கு எலான் மஸ்க் அடிக்கடி ட்விட்டரில் பதில் அளிப்பது வழக்கம். இந்நிலையில், தனக்கு இன்ஸ்டகிராமில் ரகசிய கணக்கு இருப்பதாக ட்விட்டரில் பிரணய் பத்தோலுக்கு எலான் மஸ்க் பதிலளித்துள்ளார்.

இதுகுறித்து எலான் மஸ்க் அளித்துள்ள பதிலில், “ட்விட்டரில் எனக்கு வேறு கணக்குகள் இல்லை. ஆனால் இன்ஸ்டகிராமில் ஒரு ரகசிய கணக்கு வைத்திருக்கிறேன். அதன் வாயிலாக நண்பர்கள் அனுப்பும் லிங்குகளை கிளிக் செய்வேன்” என்று தெரிவித்துள்ளார்.