பிஎம் கிசான் திட்டம்!
மத்திய மோடி அரசின் பிரதான் மந்திரி கிசான் சம்மான் நிதி (பிஎம் கிசான்) என்ற திட்டத்தின் கீழ் இந்தியாவில் உள்ள நலிந்த விவசாயிகளுக்கு ஆண்டுதோறும் 3 தவணைகளாக ரூ.6,000 நிதியுதவி வழங்கப்பட்டு வருகிறது. இந்தப் பணம் நேரடியாக விவசாயிகளின் வங்கிக் கணக்கிலேயே டெபாசிட் செய்யப்படுகிறது.
யாரெல்லாம் விண்ணப்பிக்கலாம்?
பயிரிடக்கூடிய நிலங்களைத் தங்களது பெயரில் வைத்திருக்கும் விவசாயிகளின் குடும்பங்கள் பிரதமர் கிசான் நிதியுதவி பெற விண்ணப்பிக்கலாம். கிராமப்புற மற்றும் நகர்ப்புற பகுதிகளைச் சேர்ந்த விவசாயிகள் இந்த திட்டத்திற்கு விண்ணப்பிக்கலாம்.
11ஆவது தவணை!
பிஎம் கிசான் திட்டத்தின் கீழ் இதுவரையில் 10 தவணைகள் வழங்கப்பட்டுள்ளன. 11ஆவது தவணைப் பணம் எப்போது கிடைக்கும் என்று விவசாயிகள் காத்திருக்கின்றனர். கடந்த இரண்டு மாதங்களாகவே பணம் வரும் தேதி தொடர்பான செய்திகள் வந்துகொண்டுதான் இருக்கின்றன. ஆனால் இன்னும் விவசாயிகளுக்கு நிதியுதவி விடுவிக்கப்படவில்லை.
பணம் வரும் தேதி!
பிஎம் கிசான் திட்டத்தின் 11ஆவது தவணைப் பணம் எப்போது வரும் என்ற தகவல் வெளியாகியுள்ளது. அரசு தரப்பில் இன்னும் இதற்கான அறிவிப்பு வெளியாகாவிட்டாலும், அரசு தரப்பு வட்டாரங்களில் வெளியான தகவலின்படி மே 31ஆம் தேதியில் பணம் வழங்கப்படும் என்று கூறப்படுகிறது. ஜூன் மாதத்திலிருந்து பயனாளிகள் வங்கிக் கணக்கில் பணம் வந்து சேரும் என்று எதிர்பார்க்கப்படுகிறது.
கிடைக்குமா கிடைக்காதா?
விவசாயிகள் சிலருக்கு தங்களுக்கு நிதியுதவி கிடைக்குமா அச்சம் இருக்கிறது. பிஎம் கிசான் கணக்கில் பயனாளியின் விவரங்கள் சரியாக இல்லாவிட்டால் நிதியுதவி வராமல் போக வாய்ப்பு உள்ளது. அதைச் சரிபார்க்க pmkisan.gov.in என்ற வெப்சைட்டில் சென்று பார்க்கலாம். அதிலுள்ள 'Beneficiary Status' என்ற ஆப்சனில் இதுகுறித்து தெரிந்துகொள்ளலாம்.
பணம் வராவிட்டால்..
ஒருவேளை தகுதியுள்ள விவசாயிகளுக்கு பணம் வராவிட்டால் கீழ்க்காணும் எண்களில் புகார் கொடுக்கலாம்.
பிஎம் கிசான் டோல் ஃபிரீ நம்பர்: 18001155266
பிஎம் கிசான் ஹெல்ப்லைன் நம்பர்: 155261
லேண்ட் லைன் நம்பர்கள்: 011—23381092, 23382401
பிஎம் கிசான் நியூ ஹெல்ப்லைன்: 011-24300606
மற்றொரு ஹெல்ப்லைன்: 0120-6025109