கல்விக் கடன் வேணுமா... எந்த பேங்க்ல வாங்கலாம்? எவ்வளவு வட்டி?

பள்ளிப் படிப்பை முடித்து கல்லூரிகளிலும் பல்கலைக் கழகங்களிலும் சேர்ந்து உயர் கல்வி படிப்பதற்கான வாய்ப்புகள் அதிகமாக இருக்கின்றன. ஆனால், கல்விக்கான செலவு அதிகமாக இருப்பதால் பலரால் தங்களுக்கு விருப்பமான படிப்பைத் தேர்ந்தெடுத்துப் படிக்க முடிவதில்லை. கல்வி நிறுவனங்களில் இடம் கிடைத்தும் பணம் இல்லாத காரணத்தால் மாணவர்கள் பலர் சேர முடியாமல் போவதும் படிப்பைப் பாதியில் விட்டு விலகுவதும் நடக்கிறது. இதுபோன்ற சூழலில் வங்கிகள் மூலம் மாணவர்களுக்குக் கல்விக் கடன் கிடைப்பது பெரிதும் உதவியாக இருக்கிறது. கல்விக் கடன்களுக்கு வங்கிகளும் பல்வேறு சலுகைகளை வழங்குகின்றன.

வங்கிகளில் கல்விக் கடன் வாங்குவதற்கு முன்பாக, எந்த வங்கியில் எவ்வளவு வட்டி, எங்கு சலுகைகள் அதிகமாக உள்ளன போன்ற விவரங்களையெல்லாம் தெரிந்துகொண்டு சரியான ஆலோசனையுடன் வாங்குவது நல்லது. கல்விக் கடன்களுக்கு யூனியன் பேங்க் ஆஃப் இந்தியா, செண்ட்ரல் பேங்க் ஆஃப் இந்தியா, ஸ்டேட் பேங்க் ஆஃப் இந்தியா, பஞ்சாப் நேஷனல் பேங்க், பேங்க் ஆஃப் மஹாராஷ்டிரா, இந்தியன் பேங்க் ஆகிய வங்கிகள் குறைந்த வட்டியில் கடன் வழங்குகின்றன.

பேங்க் அக்கவுண்ட்டை இப்படி வைத்திருந்தால் ஆபத்து!
யூனியன் பேங்க் ஆஃப் இந்தியா வங்கியில்தான் கல்விக் கடன்களுக்கான வட்டி விகிதம் மிக மிகக் குறைவாக 6.8 சதவீதத்தில் கிடைக்கிறது.

செண்ட்ரல் பேங்க் ஆஃப் இந்தியா - 6.86%
ஸ்டேட் பேங்க் ஆஃப் இந்தியா - 6.9%
பஞ்சாப் நேஷனல் பேங்க் - 6.9%
பேங்க் ஆஃப் மகாராஷ்டிரா - 7.05%
இந்தியன் பேங்க் - 7.15%

கல்விக் கடன் வாங்குவதற்கு சில நிபந்தனைகள் மற்றும் விதிமுறைகள் உள்ளன. கடன் வாங்கும் மாணவர் இந்தியக் குடிமகனாக இருக்க வேண்டும். 18 முதல் 35 வயதுக்குள் இருக்க வேண்டும். அட்மிசன் வழங்கும் கல்வி நிறுவன சரிபார்ப்பு இருக்கும். வயதைப் பொறுத்து கல்விக் கடன் விதிமுறைகள் இருக்கும். பாஸ்போர்ட் சைஸ் போட்டோ, ஆதார், பான் கார்டு, வோட்டர் ஐடி, பாஸ்போர்ட், டிரைவிங் லைன்சஸ், இருப்பிடச் சான்று, மாணவரின் பேங்க் ஸ்டேட்மெண்ட், ரேஷன் கார்டு, வருமானச் சான்று போன்றவை அவசியம்.